რუსეთის საგარეო დაზვერვის ფედერალური სამსახურის დირექტორმა, სერგეი ნარიშკინმა საქართველოში მიმდინარე მოვლენების შესახებ აშშ-ის ჩართულობის შესახებ განცხადება გააკეთა.

განცხადებას ფედერალური სამსახურის პრესსამსახური ავრცელებს.

განცხადებაში აღნიშნულია, რომ აშშ მიხეილ სააკაშვილის დროიდან მიეჩვია მართოს საქართველოს პოლიტიკური პროცესები

„ჯერ კიდევ მიხეილ სააკაშვილის დროიდან აშშ მიეჩვია, „ხელჩართულ რეჟიმში“ მართოს საქართველოში პოლიტიკური პროცესები, უკარნახოს, როგორ იმუშაოს ხელისუფლებამ და რა ხაზი გაატაროს ოპოზიციასთან მიმართებით.

ბოლო დროს ვაშინგტონში მმართველი პარტიის, „ქართული ოცნების“ მოქმედებების გამო უკმაყოფილება იზრდება, ქართული ოცნება თავს არიდებს უპირობოდ ამერიკული მოთხოვნების შესრულებას. თეთრ სახლში გაღიზიანებულები არიან, რომ "მეოცნებეები" სრულიად არ ასრულებენ მითითებას - უპირობოდ მიჰყვნენ ევროინტეგრაციის კურსს.

საქართველოში წესრიგის დასამყარებლად ამერიკელები გეგმავენ, დაიწყონ სისტემურად მუშაობა ოპოზიციის მხარდასაჭერად და ამავდროულად ძირი გამოუთხარონ „ქართული ოცნების“ პოზიციას.

ევროპელ პარტნიორებს აშშ განაწყობს „ქართული ოპოზიციის“ მხარდასაჭერად. ვაშინგტონში გასაგებს ხდის საქართველოს ხელისუფლებისთვის, რომ თბილისთან მიმართებაში თეთრი სახის შემდგომი დამოკიდებულება განსაზღვრული იქნება საქართველოს მთავრობის მზაობით, ზუსტად მიჰყვეს ამერიკულ მითითებებს.

საქართველოს მაგალითი ხატოვნად აჩვენებს, რომ კერძო ნაციონალისტური ელიტების მისწრაფებებს, მიიღონ ვაშინგტონის მფარველობა თავისი მიმდინარე ამოცანების გადასაჭრელად, სწრაფად მივყავართ დე-ფაქტო სუვერენიტეტის და როგორც საგარეო, ისე საშინაო პოლიტიკის დამოუკიდებლად გატარების შესაძლებლობის დაკარგვასთან“, - ვკითხულობთ განცხადებით.

ავტორი: ექსპრესნიუსი,

სოციალური ქსელები

კრიტიკის ცეცხლში მოყოლილი ისტორიაში ყველაზე ძვირადღირებული მსოფლიო ჩემპიონატი ფეხბურთში

აშშ-ის სასამართლომ ტრამპის 1.8 მილიარდი დოლარის ოდენობის კომპენსაციის ფონდი დაბლოკა

პაპუაშვილი - პარლამენტში პარტია „საქართველოსთვის“ სახელით მყოფი ხალხი უნდა მიხვდეს, რომ გაქცეული გახარია ამათ დასცინის

ბენზინის დეფიციტის გამო, რუსეთი თვითმფრინავებისთვის საწვავის პრობლემებია