ოპოზიციამ, რომელიც ამ წუთებში მთავრობის ადმინისტრაციასთან ნიკა მელიას მხარდამჭერ აქციას მართავს, 26 თებერვალს აქცია დააანონსა.

როგორც „ნაციონალური მოძრაობის" ერთ-ერთმა ლიდერმა, ხატია დეკანოიძემ განაცხადა, აღნიშნული აქცია 15:00 საათზე, ფილარმონიასთან დაიწყება.

„მიუხედავად მძიმე პოლიტიკური კრიზისისა, მიუხედავად იმისა, რომ მთელი ამ ხნის განმავლობაში არ გვესმოდა კონსტრუქციული წინადადებები ხელისუფლების მხრიდან, ოპოზიცია გამოვიდა წინადადებით და მათ შორის, ეს იყო ნიკას ინიციატივა, რომ ამ მძიმე პოლიტიკური კრიზისი გადაწყვეტისთვის აუცილებელი იყო შეთანხმება და მოლაპარაკებები და ამისთვის, საერთასორისო პარტიორებთან მოლაპარაკებების შემდეგ გადავდეთ 25 თებერვლის აქცია.

დღეს მოხდა ის, რაც მოხდა, ბოლშევიკების მიერ ჩვენი ოფისის დარბევა, ნიკას გატაცება, ადამიანების დაშავება და ახლა ჩვენ, თითოეული პატრიორი, მეგობარი და ნიკა, მოგიწოდებთ 26 თებერვალს, 3 საათზე, ფილარმონიიდან დავიწყოთ დიდი მსვლელობა, მსვლელობა, რომელიც მიეძღვნება ოკუპაციას, როდიონოვების, გავრილოვების წინააღმდეგ, რაც მთავარია, ეს იქნება მსვლელობა, რომელიც იქნება მსვლელობა თავისუფლებისთვის“, - განაცხადა ხატია დეკანოიძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

პენიტენციური სამსახური ამტკიცებს, რომ პატიმარი საწოლის მეორე სართულიდან გადმოვარდა, პირქვე დაეცა და გარდაიცვალა

სააკაშვილი- უნიათო დიქტატორი პარტიებს ვერ აკრძალავს

ისარგებლე შენთვის შექმნილი განათლების პროგრამებით - საქართველოს ბანკი, განათლების მთავარი მხარდამჭერი

25 ოქტომბერს ოპოზიციის ალიანსი ერთობლივ კამპანიას იწყებს, რომელიც 28 ნოემბერს მასშტაბური აქციით დასრულდება