ხმაური პარლამენტთან - „ნაციონალური მოძრაობის“ წევრს კარვის გაშლის საშუალებას არ აძლევენ

2021-02-20 15:21:17, 519 ნახვა

პოლიტიკა

საქართველოს პარლამენტის მიმდებარე ტერიტორიაზე ხმაურია.

აღნიშნული მას შემდეგ დაიწყო, რაც საკანონმდებლო ორგანოსთან „ნაციონალური მოძრაობის“ წევრი გიორგი ჩალაძე კარვის გაშლას ცდილობდა, სამართალდამცველებმა კი მას ამის საშუალება არ მისცეს.

„არანაირი განმარტება, რატომ არ ეძლევა კარვის გაშლის უფლება საქართველოს მოქალაქეს, არ ყოფილა. მათ აქვთ ტერმინოლოგია - დამშვიდდით, დაწყნარდით. როგორც ხედავთ, აქ ნამდვილად დასაწყნარებელი არაფერი არ არის. მიზანმიმართულად ვთხოვეთ, არ მოსულიყვნენ აქტივისტები, რომ არ მოხდეს სიტუაციის დაძაბვა.

ეს არის ერთი 60 სანტიმეტრიანი კარვის გაშლა, ეს არის პრინციპული დემონსტრაცია, რომ ჩვენ გვაქვს უფლება საქართველოში საქართველოს კონსტიტუციის შესაბამისად ვიცხოვროთ", - განაცხადა გიორგი ჩალაძემ.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან