ლიეტუვის სეიმის წევრი: ან ევროკავშირს და ნატოს უერთდები - ან კვდები, ამიტომ უნდა შეწყდეს პოლიტიკური დევნა

2021-02-20 12:27:54, 743 ნახვა

პოლიტიკა

ქართველებმა უნდა გადაწყვიტონ ლიტვის გზა სურთ, თუ ბელარუსის, - ამის შესახებ ლიეტუვის პარლამენტის საგარეო ურთიერთობათა კომიტეტის თავმჯდომარემ, ჯიგიმანტას პავილიონმა ენმ-ს ოფისსში, ნიკა მელიასთან შეხვედრის შემდეგ განაცხადა.

მისი თქმით, თუ ქვეყანას სურს ევროკავშირსა და ნატოში შესვლა, უნდა მორჩეს პოლიტიკური დევნა.

„მე შევხვდი ნიკა მელიას და შევხვდები ყველა პოლიტიკურ ლიდერს, ასევე მთავრობის წარმომადგენლებს. ლიტვა საქართველოს ძველი მეგობარია და ის არასდროს მიგატოვებთ. ჩვენ მზად ვართ ხელი შევუწყოთ დიალოგს და იმედი გვაქვს, საშუალება გვექნება, რომ მედიატორობა გავუწიოთ მხარეებს. ქართველებმა უნდა გადაწყვიტონ, ლიტვის გზა სურთ თუ ბელარუსის. როგორც ჩვენი გამოცდილებიდან ვიცით, ან ევროკავშირს და ნატოს უერთდები - ან კვდები, ამიტომ უნდა შეწყდეს პოლიტიკური დევნა, პოლიტიკური სასამართლო პროცესები და უნდა დაიწყოს ხიდების შენება. ჩვენ მზად ვართ დაგეხმაროთ, თუმცა ეს იქნება შესაძლებელი იმ შემთხვევაში, თუ იქნება დიალოგისადმი მზადყოფნა და არა კონფლიქტი", - განაცხადა

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან