2021-02-19 14:22:03, 556 ნახვა
პოლიტიკა
პარლამენტი ახალ პრემიერ-მინისტრსა და მთავრობას ორშაბათს დაამტკიცებს
საპროცედურო საკითხთა და წესების კომიტეტის თავმჯდომარის, ირაკლი ქადაგიშვილის განცხადებით, პარლამენტი ახალ პრემიერ-მინისტრსა და მთავრობის შემადგენლობას ორშაბათს დაამტკიცებს.
მისივე თქმით, ირაკლი ღარიბაშვილის საკომიტეტო მოსმენები შაბათ-კვირას გაიმართება
„შაბათ-კვირა გამოყენებული იქნება გაერთიანებული საკომიტეტო მოსმენებისათვის, რათა კანდიდატსა და მის სამთავრობო პროგრამას მოვუსმინოთ, ხოლო ორშაბათიდან იქნება როგორც ფრაქციასთან, ასევე პოლიტიკურ ოპოზიციურ ჯგუფებთან შეხვედრა და პლენარულ სხდომაზე უკვე დამტკიცდება. მთავრობის დასამტკიცებლად საჭირო არის სიითი შემადგენლობის 76 ხმა", - განაცხადა ირაკლი ქადაგიშვილმა.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
