საქართველომ პირველ საერთაშორისო კონფერენციას ბიოტექნოლოგიების მიმართულებით უმასპინძლა. ღონისძიების ორგანიზატორები  არიან საქართველოს ეკონომიკისა და მდგრადი განვითარების სამინისტრო, სსიპ საქართველოს ინოვაციებისა და ტექნოლოგიების სააგენტო, ამერიკის შეერთებული შტატების ეროვნული სამეცნიერო ფონდი და აშშ-ის ტენესის უნივერსიტეტი.

როგორც ჟურნალისტებთან საუბრისას სსიპ საქართველოს ინოვაციებისა და ტექნოლოგიების სააგენტოს დირექტორმა ირაკლი ქაშიბაძემ განაცხადა, ამერიკის შეერთებული შტატების სამეცნიერო ფონდი ბიოტექნოლოგიების მიმართულებით დაინტერესდა.

„აშშ-ის ეროვნული სამეცნიერო ფონდი ბიოტექნოლოგიების მიმართულებით ქართული პოტენციალით დაინტერესდა. დღეს გვაქვს ერთობლივი საერთაშორისო კონფერენცია.  ფაქტობრივად,  ჩვენი მთავარი მიზანი არის და ასევე,  აღნიშნული კონფერენციის მიზანი არის იმ საინტერესო ტექნოლოგიების აღმოჩენა, რომლის  კომერციალიზაცია  შემდეგში შესაძლებელი იქნება. ზოგადად, ბიოტექნოლოგიების დარგი არის მრავალმილიარდიანი ინდუსტრია. ჩვენი მიზანია ის უნიკალური ტექნოლოგიები, რაც გააჩნია ჩვენს მეცნიერებს გავიდეს ამერიკის  ბაზარზე“, - განაცხადა ირაკლი ქაშიბაძემ.

ამასთან, თერმოფილური მიკროორგანიზმების ბიოლოგიასა და ბიოტექნოლოგიის პირველ საერთაშორისო კონფერენციაზე და მნიშვნელობაზე  ისაუბრა ეკონომიკისა და მდგრადი განვითარების მინისტრმა დიმიტრი ქუმსიშვილმა.

„დღეს ჩვენ სტუმრად გვყავს აშშ-ს ეროვნული სამეცნიერო ფონდის ხელმძღვანელი. დღეს განხილული იქნება ბიოტექნოლოგიების განვითარების შესაძლებლობა საქართველოში. ამაში ჩართულია როგორც განათლების,  ასევე სოფლის მეურნეობის  და ეკონომიკის სამინისტრო. აღნიშნული სამუშაო შეხვედრების შედეგად უნდა ჩამოყალიბდეს ის კონკრეტული მიმართულება, სადაც საქართველოს გააჩნია კონკურენტუნარიანი უპირატესობა. ასევე  ჩამოყალიბდეს ის მიმართულებები, რომლებიც საქართველოს მომავალში მოუტანს დამატებით შემოსავალს“, - აღნიშნა დიმიტრი ქუმსიშვილმა.

ცნობისთვის, საქართველოს მთავრობა აქტიურად უჭერს მხარს კვლევებისა და მეცნიერების განვითარებას. სამთავრობო სტრატეგიაში,

„ძლიერი, ერთიანი, დამოუკიდებელი  საქართველოსთვის“ აღნიშნული სფერო  ქვეყნისთვის მნიშვნელოვან პრიორიტეტადაა აღიარებული.

ღონისძიების მიზანია საერთაშორისო  გამოცდილების გაზიარება საქართველოში თერმოფილური მიკროორგანიზმების ბიოლოგიასა და ბიოტექნოლოგიაზე და მოცემული ინოვაციების დანერგვა, საქართველოს პოტენციალის გაზიარება ბიოტექნოლოგიების მიმართულებით და საერთო კვლევებისა და პროექტების ინიცირება.

მნიშვნელოვანია საერთაშორისო თანამშრომლობის ჩამოყალიბება, სფეროს პოპულარიზაცია, საერთაშორისო ასპარეზზე გასვლა და ახალი გამოწვევების მიღება.

®

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა ხელი მოაწერა კანონს რუსეთის წინააღმდეგ „ჯოჯოხეთური სანქციების“ შესახებ

საფრანგეთსა და შეერთებულ შტატებში დიზელის დეფიციტის გამო საწვავის კრიზისი დაიწყო

მაკრონმა საფრანგეთის ინფრასტრუქტურის დრონებით თავდასხმებისთვის მზადყოფნის ბრძანება გასცა

რუსეთის ერთ-ერთი ყველაზე ტიტულოვანი რეჟისორი ზვიაგინცევი „უცხოელი აგენტად“ გამოაცხადა