პოლონეთის ექს-პრეზიდენტმა, ლეხ ვალენსამ, რომელიც ნობელის მშვიდობის პრემიის ლაურეატია, ამავე პრემიაზე პატრიმრობაში მყოფი რუსი ოპოზიციონერი, ალექსეი ნავალნი წარადგინა. 

როგორც ლეხ ვალენსა აცხადებს, ალექსეი ნავალნი არის გამბედაობის სიმბოლო, რომელიც არ იშურებს ძალისხმევას რუსეთის ფედერაციაში არსებული ავტორიტარული რეჟიმის გამოვლენაზე.

"მე მოხარული ვარ, რომ წარვადგინე ბატონი ნავალნი ნობელის მშვიდობის პრემიაზე, იმის დასტურად, რომ ის არის გამბედაობის სიმბოლო და არ იშურებს ძალისხმევას კორუფციის გამოსავლენად, პოლიტიკური პლუარლიზმის დასაცავად და მზარდი ავტორიტარული რეჟიმის წინააღმდეგ, რუსეთის ფედერაციაში", - განაცხადა ლეხ ვალენსამ.

შეგახსენებთ, რომ რუსი ოპოზიციონერი, ალექსეი ნავალნი, რომელიც გასული წლის აგვისტოს ბოლოს, რუსეთში მოწამლეს „ნოვიჩოკის“ ჯგუფის ნივთიერებით, გერმანიაში ოთხთვიანი მკურნალობის შემდეგ მოსკოვში 17 იანვარს დაბრუნდა. ალექსეი ნავალნი აეროპორშივე დააკავეს და მოსკოვის რაიონულმა სასამართლომ, ე.წ „ივ როშეს“ საქმეზე თაღლითობის ბრალდებით ის 2,5 წლით დააპატიმრა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ანგარიშის თანახმად, ევროკავშირი საკმარისად სწრაფად და ეფექტურად არ აშენებს თავის თავდაცვით შესაძლებლობებს

მაკრონმა ტრამპი გააფრთხილა, რომ აშშ-ის ნავთობის ექსპორტის შეჩერება ფასების ზრდას გამოიწვევდა.

ზელენსკიმ განაცხადა, რომ „ანკორიჯის შეთანხმებები“ მოლაპარაკებებში აღარ განიხილება

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ