ანგელა მერკელი - ნავალნის განაჩენი ძალიან შორსაა კანონის უზენაესობის ნებისმიერი სტანდარტისგან

2021-02-03 02:10:27, 682 ნახვა

მსოფლიო

ალექსეი ნავალნის წინააღმდეგ გამოტანილი განაჩენი ძალიან შორსაა კანონის უზენაესობის ნებისმიერი სტანდარტისგან, - ამის შესახებ გერმანიის კანცლერის ანგელა მერკელის მიერ გავრცელებულ განცხადებაშია ნათქვამი.
კანცლერის აზრით, ნავალნი დაუყოვნებლივ უნდა გათავისუფლდეს.
„ალექსეი ნავალნის წინააღმდეგ გამოტანილი განაჩენი ძალიან შორსაა კანონის უზენაესობის ნებისმიერი სტანდარტისგან. ნავალნი დაუყოვნებლივ უნდა გათავისუფლდეს. ძალადობა მშვიდობიანი დემონსტრანტების წინააღმდეგ უნდა შეწყდეს,” – ნათქვამია განცხადებაში.
შეგახსენეთ, ცოტახსნის წინ, ალექსეი ნავალნის 3,5 წლით პატიმრობა მიესაჯა.
რუსი ოპოზიციონერი ალექსეი ნავალნი გერმანიიდან დაბრუნების თანავე რუსეთში აეროპორტში დააკავეს.
რუსი ოპოზიციონერის გათავისუფლების მოთხოვნით რუსეთის 100-ზე მეტ ქალაქში საპროტესტო აქციები რამდენიმე დღის განმავლობაში მიმდინარეობდა.