აშშ-ის თეთრი სახლი მიანმარში განვითარებული მოვლენების გამო შეშფოთებას გამოთქვამს.

ამის შესახებ განცხადება თეთრი სახლის ვებ-გვერდზეა განთავსებული.

„აშშ შეშფოთებულია გავრცელებული ინფორმაციით, რომ მიანმარში სამხედროებმა ქვეყნის დემოკრატიული გარდაქმნის შერყევის კუთხით გარკვეული ნაბიჯები გადადგეს. პრეზიდენტ ბაიდენს მიანმარში განვითარებული მოვლენების შესახებ ინფორმაცია ჯეკ სულივანმა მიაწოდა. ჩვენ კვლავ მტკიცედ მხარს ვუჭერთ მიანმარის დემოკრატიულ ინსტიტუტებს და მოვუწოდებთ სამხედროებსა და სხვა მხარეებს, დაიცვან დემოკრატიული ნორმები, კანონის უზენაესობა და გაათავისუფლონ დაკავებულები. აშშ არჩევნების შეცვლის ნებისმიერ მცდელობას ეწინააღმდეგება“, - აღნიშნულია თეთრი სახლის განცხადებაში.

ცნობისთვის, მიანმარში სამხედრო გადატრიალების შედეგადა ქვეყანაში საგანგებო მდგომარეობა გამოცხადდა. სახელმწიფო მრჩეველი, აუნ სან სუ ჩი და ქვეყნის პრეზიდენტი, ვინ მიინი დააკავეს. მმართველი „დემოკრატიისთვის ეროვნული ლიგის“ პარტიის წარმომადგენელი, მიო ნიუნტი აცხადებს, რომ სახელმწიფო გადატრიალების უკან, სავარაუდოდ, სამხედროები დგანან.

ავტორი: ექსპრესნიუსი,

სოციალური ქსელები

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ

ხაბეიშვილი - ვცდილობ სიმართლე გითხრათ: დაყენებული სახეები, ფონად წიგნები და ხალხის დაშტერება, მოტყუება, რომ ჩვენი ბედი ბრიუსელში ან “აშხაბადში” წყდება

სიძულვილით გამორჩეული სამხარაძის მევიოლინე მამას 4 ქალაქში კონცერტისთვის ბიუჯეტიდან 164 750 ლარს გადაუხდიან

საპატრიარქო შეშფოთებულია აზერბაიჯანში ქართულ ტაძარში მიმდინარე სამუშაოებით