ნავალნის გათავისუფლების მოთხოვნით გამართულ აქციებზე დემონსტრანტების დაკავება დაიწყო.

„ბიბისი“ ადგილობრივ მედიაზე დაყრდნობით იუწყება, რომ ხაბაროვსკში მიტინგზე 1 000-მდე ადამიანი შეიკრიბა. მოგვიანებით აქციაზე დაიწყო დაკავებები. მედიის ინფორმაციით, რამდენიმე აქტივისტს სცემეს.

400-მდე მომიტინგე შეიკრიბა იუჟნო-სახალინსკში. აქციებზე ისმოდა შეძახილები - „თავისუფლება ნავალნის!“, „ჩვენ ძალა ვართ!“, „რუსეთი უნდა იყოს თავისუფალი!“.

ათასამდე ადამიანი შეიკრიბა ვლადივოსტოკის ცენტრალურ მოედანზეც, სადაც ასევე მიმდინარეობს დაკავებები. მედია იუწყება, რომ დაიწყო აქციის ძალადობრივი მეთოდებით დაშლა.

ირკუტსკში აქციაზე 2 000-მდე ადამიანი შეიკრიბა. აქცია გაიმართა ნოვოსიბირსკში, ლენინის მოედანზე, სადაც 1.5 ათასზე მეტი ადამიანი შეიკრიბა. დემონსტრანტები რუსეთის ჰიმნს მღეროდნენ. ისმოდა შეძახილები - „წადი!“.

შეგახსენებთ, რომ დღეს რუსი ოპოზიციონერის, ალექსეი ნავალნის გათავისუფლების მოთხოვნით 90-ზე მეტ ქალაქში საპროტესტო აქციები გაიმართება. მედიის ინფორმაციით, რუსეთი გარდა აქციები დაანონსებულია პარიზში, ბერლინში, რომში, მადრიდში, ლისაბონში, ამსტერდამი, ჰელსინკში, პრაღაში, ვარშავაში, თელ-ავივში, ვაშინგტონში, ნიუ იორკსა და ლოს ანჯელესში.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ

ხაბეიშვილი - ვცდილობ სიმართლე გითხრათ: დაყენებული სახეები, ფონად წიგნები და ხალხის დაშტერება, მოტყუება, რომ ჩვენი ბედი ბრიუსელში ან “აშხაბადში” წყდება

სიძულვილით გამორჩეული სამხარაძის მევიოლინე მამას 4 ქალაქში კონცერტისთვის ბიუჯეტიდან 164 750 ლარს გადაუხდიან

საპატრიარქო შეშფოთებულია აზერბაიჯანში ქართულ ტაძარში მიმდინარე სამუშაოებით