2021-01-21 10:42:43, 720 ნახვა
მსოფლიო
აშშ-ის ეროვნული დაზვერვის სააგენტოს დირექტორი პირველად ქალი გახდა
აშშ-ის სენატმა ეროვნული დაზვერვის სააგენტოს დირექტორად ევრილ ჰეინსი დაამტკიცა.
ამის შესახებ ინფორმაციას CNN-ი ავრცელებს.
გამოცემის ცნობით, აღნიშნულ თანამდებობაზე ჰეინსი პირველი ქალი გახდა. მისი კანდიდატურა აშშ-ის პრეზიდენტმა, ჯო ბაიდენმა წარადგინა.
ჰეინსის დანიშვნას მხარი 84-მა სენატორმა დაუჭირა, ხოლო წინააღმდეგი 10 აღმოჩნდა.
2013-2015 წლებში ევრილ ჰეინსი აშშ-ის ცენტრალური სადაზვერვო სააგენტოს დირექტორის მოადგილე იყო, მომდევნო 2 წლის განმავლობაში კი ეროვნული უშიშროების საკითხებში აშშ-ის პრეზიდენტის მრჩევლის მოადგილე გახდა.
ავტორი: ექსპრესნიუსი,
epn.ge (@expressnews.ge)
