ივერი მელაშვილს ხვალ ბრალდებას დაუზუსტებენ

2021-01-19 17:03:30, 527 ნახვა

სამართალი

ე.წ კარტოგრაფების საქმეზე დაკავებულ ივერი მელაშვილს ხვალ პროკურატურა ბრალდებას დაუზუსტებს.

აღნიშნულის შესახებ მელაშვილის ადვოკატი, ედუარდ მარიკაშვილი სოციალურ ქსელში წერს.

„პროკურატურამ გვაცნობა, რომ ხვალ ივერი მელაშვილს ბრალდებას დაუზუსტებენ.

რაც ჩვენთვის ამ ეტაპისთვის არის ცნობილი, მუხლს არ ცვლიან. აპირებენ, დააზუსტონ ბრალდების შინაარსი. დეტალებს ხვალ 12:00 სთ-ზე გლდანის N8 დაწესებულებაში გავიგებთ.

დეტალებს ხვალ შევაფასებთ. თუმცა მანამდე რაც შეიძლება ითქვას, ჩვენ ვცხოვრობთ ქვეყანაში სადაც ჯერ დააპატიმრეს ადამიანი უმძიმესი ბრალდებით და 4 თვის შემდეგ აზუსტებენ რისთვის დააპატიმრეს 4 თვის წინ“, - წერს მარიკაშვილი.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან