19 წლის ძმის მკვლელობაში ბრალდებული გიორგი ახლოურის ადვოკატი, თამარ გაჩეჩილაძე სასამართლოს მისი დაცვის ქვეშ მყოფის გირაოს სანაცვლოდ გათავისუფლების შუამდგომლობით მიმართავს.

ამის შესახებ ადვოკატმა ჟურნალისტებთან საუბრისას განაცხადა.

როგორც მან აღნიშნა, ეს არის გაუფრთხილებლობით ჩადენილი დანაშაული და ყოველგვარი განზრახვა გამორიცხულია.

„ჩემი დაცვის ქვეშ მყოფი ბრალს არ აღიარებს. დღეს ჩანიშნულია სასამართლოს სხდომა აღკვეთის ღონისძიების საკითხთან დაკავშირებით. პროკურატურამ მიმართა სასამართლოს შუამდგომლობით პატიმრობის მოთხოვნით. დაცვის მხარე შეეცდება, რომ დაასაბუთოს პატიმრობის გამოყენების მიზანშეუწონლობა.

ვაპირებთ, რომ აღკვეთის ღონისძიების სახით მოვითხოვოთ გირაო. ეს იყო გაუფრთხილებლობითი დანაშაული, ყოველგვარი განზრახვა გამორიცხულია. ეს იყო საყოფაცხოვრებო ნიადაგზე დაწყებული კონფლიქტი და სხვა დროს არანაირი დაძაბული ურთიერთობა ძმებს არ ჰქონიათ“, - განაცხადა ადვოკატმა.

ცნობისთვის, 21 წლის გიორგი ახლოური პოლიციამ ძმის მკვლელობის ბრალდებით დააკავა. მას ბრალი სსკ-ის 11 პრიმა,109-ე მუხლის მეორე ნაწილის „ვ“ ქვეპუნქტით წარუდგინეს, რაც დამამძიმებელ გარემოებებში ოჯახის ერთი წევრის მიერ მეორე წევრის განზრახ მკვლელობას გულისხმობს.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ზელენსკი - პუტინი „ნულოვანი პაციენტია“, რომელიც ომის იდეას მთელ მსოფლიოში ავრცელებს

გარდაიცვალა პუტინისტი და უკრაინული შოუ „X-ფაქტორის“ ყოფილი მოსამართლე სერგეი სოსედოვი

ირანის საგარეო საქმეთა მინისტრმა ევროპა გააფრთხილა აშშ-სა და ისრაელის მხარდაჭერის შედეგების შესახებ

ზელენსკიმ გაეროს გენერალური ასამბლეის ტრიბუნიდან რუსეთს ენერგეტიკულ სექტორზე საპასუხო დარტყმებით დაემუქრა