დიდ ბრიტანეთში საყოველთაო კარანტინი გამოცხადდა

2021-01-05 09:41:36, 607 ნახვა

მსოფლიო

ინგლისში საყოველთაო კარანტინი გამოცხადდა, - შესაბამისი განცხადება დიდი ბრიტანეთის პრემიერ-მინისტრმა ბორის ჯონსონმა გააკეთა.

ქვეყანაში „ლოქდაუნი“ თებერვლის შუა რიცხვებამდე გაგრძელდება. ამ პერიოდის განმავლობაში სკოლები და უმაღლესი სასწავლებლები დისტანციური სწავლების რეჟიმზე გადავლიან, დაიხურება მაღაზიები და სილამაზის სალონები, ხოლო რესტორნები გატანის სერვისით იმუშავებენ.

ბორის ჯონსონმა საზოგადოება გააფრთხილა და აღნიშნა, რომ მომდევნო კვირეები ყველაზე რთული იქნება.

მკაცრი შეზღუდვების გამოცხადებისას, ჯონსონმა განაცხადა, რომ ქვეყნის საავადმყოფოები დღეს უფრო მეტი ზეწოლის ქვეშ იმყოფებოდნენ კოვიდის მხრიდან, ვიდრე პანდემიის დაწყებიდან ნებისმიერ დროს.

ამასთანავე, მან ხალხს შინ დარჩენისკენ მოუწოდა გარდა გამონაკლისი შემთხვევებისა, როგორიცაა - აუცილებელი სამედიცინო საჭიროებები, საკვების შეძენა, ვარჯიში და სამუშაო.

Patreon P მხარი დაუჭირე "ექსპრესნიუსს" →

ავტორი: ლუკა ცარციძე, ექსპრესნიუსის რეპორტიორი 2019 წლიდან