საქართველოში სამართლის უზენაესობა მტკიცეა და დღითიდღე ძლიერდება, - ამის შესახებ საქართველოს პრემიერ-მინისტრმა ირაკლი ღარიბაშვილმა ნიუ-იორკში, საინვესტიციო ფორუმზე სიტყვით გამოსვლისას განაცხადა.

ირაკლი ღარიბაშვილი ხელისუფლების მთავარ მიღწევად ბიზნესის თავისუფლებას მიიჩნევს.

პრემიერი სიტყვით გამოსვლისას ჯანდაცვის და განათლების მიმართულებით გატარებულ რეფორმებსაც შეეხო.

„ბოლო წლებში საქართველოში მიმდინარეობს მნიშვნელოვანი ტრასფორმაცია, რომლის მიზანი დემოკრატიული, სამართლის და თავისუფალი საბაზრო ეკონომიკურ პრინციპებზე დაფუძნებული სახელმწიფოს მშენებლობაა. ჩვენ განუხრელად მივყვებით დასავლური ინტეგრაციის გზას, ვაღრმავებთ ურთიერთობებს ევროკავშირთან, ნატოსთან და ამერიკის შეერთებულ შტატებთან. ჩვენ გვაქვს საყოველთაო ჯანდაცვა და ძლიერი განათლების სისტემა, რაც ჯანმრთელი და განათლებული კადრების გარანტიაა. კრედიტუნარიანობის წამყვანი სარეიტინგო სააგენტოები აფასებენ ჩვენს ქვეყანას როგორც სტაბილურს და პოზიტიურს. სამართლის უზენაესობა საქართველოში მტკიცეა და დღითიდღე ძლიერდება. ბიზნესთან დაკავშირებული დავები წყდება ხელისუფლების ჩარევის გარეშე. ვთვლი, რომ ჩვენი მთავრობის ყველაზე მნიშვნელოვანი მიღწევა, სწორედ ეს გახლავთ. ამასთან სასამართლო სრულად თავისუფალია ხელისუფლების გავლენისგან“, - განაცხადა ირაკლი ღარიბაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზახაროვა: რუსეთისა და საქართველოს ხალხებს ერთმანეთი ენატრებათ

უკრაინაში საცხოვრებელ შენობებზე რუსეთის მიერ განხორციელებული ავიადარტყმების შედეგად ოთხი ადამიანი დაიღუპა

დააკავეს პირი, რომელმაც მაღაზიიდან კომპიუტერულ ტექნიკა მოიპარა

ტრამპი აცხადებს, რომ მისი შვილი დააბრუნებს იმ თანხას, რომელიც რუსმა ოლიგარქმა ქორწილში დახარჯა