2020-12-17 13:13:49, 1010 ნახვა
მსოფლიო
სომხური მედიის ინფორმაციით, ნიკოლ ფაშინიანი 31 დეკემბერს გადადგომის შესახებ განაცხადებს
სომხეთის პრემიერ-მინისტრი ნიკოლ ფაშინიანი თანამდებობის დატოვების შესახებ 31 დეკემბერს განაცხადებს.
ამის შესახებ ინფორმაციას „ინტერფაქსი“ ავრცელებს.
გამოცემის ცნობით, აღნიშნული ინფორმაცია სხვა წყაროებიდან ჯერჯერობით არ დასტურდება.
„31 დეკემბერს, საახალწლო გზავნილში ნიკოლ ფაშინიანი გადადგომის შესახებ განაცხადებს და ვადამდელ საპარლამენტო არჩევნებს დანიშნავს“, - წერს „ინტერფაქსი“ საკუთარ წყაროზე დაყრდნობით.
შეგახსენებთ, რომ სომხეთში, საპროტესტო აქციები მას შემდეგ დაიწყო, რაც ფაშინიანმა, რუსეთის ფედერაციისა და აზერბაიჯანის ლიდერებთან ერთად, ცეცხლის შეწყვეტის შესახებ განცხადებას ხელი მოაწერა.
ავტორი: ექსპრესნიუსი,
epn.ge (@expressnews.ge)
