„უმრავლესობის ახალი ლიდერის კანდიდატურა მომავალი კვირის დასაწყისში გადაწყდება“,-ამის შესახებ საქართველოს პარლამენტის თავმჯდომარემ დავით უსუფაშვილმა უმრავლესობის ახალი ლიდერის კანდიდატურის წარდგენასთან დაკავშირებით მედიის წარმომადგენლებთან შეხვედრისას განაცხადა.

უსუფაშვილი დარწმუნებულია, რომ უმრავლესობის კანდიდატურის შერჩევის პროცესი თავის ლოგიკურ დასასრულამდე მივა. 

"რაც შეეხება უმრავლესობის ლიდერის თემას, მინდა მოგახსენოთ, რომ უმრავლესობას ჰყავს ლიდერი, მას ჰქვია დავით საგანელიძე. მისი უფლებამოსილება პარლამენტში ჯერ არ არის შეწყვეტილი. პარლამენტში ამ წუთის მდგომარეობით ჯერ საბუთები არც არის მოსული მისი დანიშვნის თაობაზე. მოკლედ პარლამენტში შემოვა სათანადო დოკუმენტები, კომიტეტი განიხილავს და ამის შემდეგ მას შეუწყდება უფლებამოსილება. მანამდე ის ლიდერის სტატუსით არის ამ წუთამდე და მისი შემცვლელის ვინაობის გარკვევა ეს არის ალბათ ამ კვირის ბოლოს, მომავალი კვირის დასაწყისის საქმე. კანდიდატურებს რაც შეეხება თუ მსურველებს, საკმაოდ საინტერესო და ჯანსაღი პროცესი მიმდინარეობს და მე დარწმუნებული ვარ, ეს პროცესი თავის ლოგიკურ დასასრულამდე მივა. კოალიცია მოგეხსენებათ იყო და რჩება საკმაოდ მრავალფეროვან წარმონაქმნად, ჩვენ თავიდანვე შევჯერდით იმაზე, რომ შეუძლებელია უმრავლესობის ლიდერის კანდიდატურის განხილვა დაიწყონ იმ ფრაქციებმა და ჯგუფებმა, რომლებიც თავად არიან საკმაოდ დიდ უმცირესობაში. ჩვენ სხვა ფრაქციებმა და პარტიებმა ჩვენს კოლეგებს ამის თაობაზე ვაცნობეთ, რომ პირველ რიგში მათგან დაველოდებოდით მოსაზრებებს. ეს პროცესი კვირის ბოლოს მგონი უკვე გადაწყვეტილებების დონეზე იქნება დასრულებული“,-განაცხადა დავით უსუფაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სახელმწიფო დეპარტამენტმა უკრაინისთვის 2.68 მილიარდი დოლარის ღირებულების საჰაერო თავდაცვის სისტემების მიყიდვა დაამტკიცა

ტრამპმა ომი გამოუცხადა სამ მედიასაშუალებას: CNN-ს, MS NOW-ს და Politico-ს, მათ თეთრ სახლში შესვლა აეკრძალათ

პენტაგონი: ირანთან ომი აშშ-ს უკვე 45.1 მილიარდი დოლარი დაუჯდა

ტრამპმა ხელი მოაწერა კანონს რუსეთის წინააღმდეგ „ჯოჯოხეთური სანქციების“ შესახებ