ირანის პარლამენტი ბირთვული საქმიანობის აქტივიზაციის შესახებ კანონპროექტის დაჩქარებული წესით განხილვას გეგმავს, - ამის შესახებ ინფორმაციას „რია ნოვოსტი“ ავრცელებს.

აღნიშნული პროექტის განხილვა 27 ნოემბერს ირანელი ბირთვული მეცნიერების სპეციალისტის მოჰსენ ფახრიზადეს მკვლელობის ფონზე ჩატარდა.

ბირთვული კანონპროექტი ურანის  20%-მდე გამდიდრებას ითვალისწინებს.  ამ მომენტისთვის ირანში ურანის გამდიდრება ნაცვლად შეთანხმებით გათვალისწინებული 3.37 %-ისა 4%-ზე მეტით ხდება.

დოკუმენტის მიღების შემთხვევაში, ირანში, კერძოდ კი არაკში ბირთვული რეაქტორი აღდგება იმ ფორმით, როგორც ეს შეთანხმებამდე იყო. გარდა ამისა, დაიწყება კიდევ ერთი მსგავსი ობიექტის მშენებლობა.

შეგახსენებთ, რომ 27 ნოემბერს ირანში, თეირანის მახლობლად ბირთვული მეცნიერების სპეციალისტი მოჰსენ ფახრიზადე მოკლეს.

ირანის საგარეო საქმეთა მინისტრმა მოჰამედ ჯავად ზარიფმა მკაცრად დაგმო ბირთვული ფიზიკოსის მკვლელობა და ასევე მოუწოდა საერთაშორისო საზოგადოებას, განსაკუთრებით ევროკავშირს, შეწყვიტონ ორმაგი სტანდარტების პოლიტიკა და დაგმონ ეს „ტერორისტული“ ქმედება.

ავტორი: ექსპრესნიუსი,

სოციალური ქსელები

უკრაინის 19 მოქალაქე შველას ითხოვს, ისინი დარიალის გამშვებ პუნქტში გაუსაძლის მდგომარეობაში არიან

საქართველოში კრიპტოვალუტის გათეთრების საერთაშორისო საქმეზე ამერიკელმა, პოლონელმა და ქართველმა სამართალდამცველებმა ფართომასშტაბიანი სპეცოპერაცია ჩაატარეს

საწვავის ფასების ზრდა, საქართველოში, ინფლაციის ერთ-ერთ მთავარ ფაქტორად რჩება

აპრილში საქართველოსთვის ფულადი გზავნილების ძირითად წყაროს ევროკავშირის ქვეყნები და აშშ წარმოადგენდა