ეროვნული ბანკის პრეზიდენტის გიორგი ქადაგიძის განცხადებით, ლარის მოკლევადიანი მერყეობები ისეთი საკურსო რეჟიმისთვის, როგორიც საქართველოს აქვს, ნორმალურია.

ამის შესახებ ქადაგიძემ ჟურნალისტებს ცენტრალური აზიის, შავი ზღვის რეგიონის და ბალკანეთის ქვეყნების ცენტრალური ბანკების მმართველთა კლუბის 34-ე შეხვედრის დასრულების შემდგეგ განაცხადა.

ქადაგიძის თქმით, გრძელვადიან და საშუალოვადიან პერსპექტივაში თუ ჯანსაღი პოლიტიკა იქნება, გამყარების ტენდენცია  დაიწყება.

„მოკლევადიანი მერყეობები არის ნორმალური ისეთი საკურსო რეჟიმისთვის, როგორიც საქართველოს აქვს. გრძელვადიან  და საშუალოვადიან პერსპექტივაში განსაკუთრებით თუ ჩვენ გვექნება ჯანსაღი, თანმიმდევრული პოლიტიკა და გვექნება ეკონომიკური ზრდა, რა თქმა უნდა შეგვიძლია ვთქვათ, რომ შემდგომ  გამყარების ტენდენცია იქნება.  ეს დამოკიდებულია იმ კომპლექსურ ქმედებებზე, რომელიც მთლიანად უნდა გატარდეს სახელმწიფოში“,-განაცხადა გიორგი ქადაგიძემ.

ცნობისთვის, საქართველოს ეროვნული  ბანკის ორგანიზებით, თბილისი „ცენტრალური აზიის, შავი ზღვის რეგიონის და ბალკანეთის ქვეყნების ცენტრალური ბანკების მმართველთა კლუბების 34-ე  შეხვედრას მასპინძლობს. ცენტრალური ბანკების მმართველთა კლუბის შეხვედრას გიორგი ქადაგიძე ხელმძღვანელობს. ღონისძიებაში მონაწილეობს კლუბის 23 ქვეყნის მმართველი ცენტრალური ბანკებიდან. საფინანსო ინსტიტუტების ხელმძღვანელებმა    ვალუტის გაცვლით კურსსა და მაღალ დოლარიზაციაზე იმსჯელეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

არაგვზე ხიდის მშენებლობის გამო, სად შეიზღუდება წყალმომარაგება 36 საათით - GWP-ს განცხადება

მათიკაშვილი - პირდაპირი მსგავსებაა სექტანტურ მიმდინარეობასა და იმ ე.წ. პროტესტს შორის, რომელიც საქართველოში მიმდინარეობს

ბოჭორიშვილი: საქართველო მტკიცედ დგას უკრაინელი ხალხის გვერდით

სი ძინპინმა განაცხადა, რომ ჩინეთი და აშშ პარტნიორები უნდა იყვნენ და არა მეტოქეები