საპარტნიორო ფონდმა ყველა სტრატეგიული პროექტი და ამოცანა განახორციელა, რომელიც მის წინაშე იდგა, - ამის შესახებ საპარტნიორო ფონდის უკვე ყოფილმა დირექტორმა ირაკლი კოვზანაძემ მთავრობის ადმინისტრაციაში გამართულ ბფიგინზე განაცხადა.

როგორც კოვზანაძემ აღნიშნა, საპარტნიორო ფონდის საინვესტიციო მოცულობა 2 მილიარდ დოლარს შეადგენს.

„საპარტნიორო ფონდმა ბოლო 2 წლის განმავლობაში განახორციელა ყველა სტრატეგიული პროექტი და ამოცანა, რომელიც მის წინაშე იდგა. პროექტების საინვესტიციო მოცულობა, რომელსაც ჩვენ ვახორციელებთ, არის 2 მილიარდი დოლარი. მათ შორის არის გარდაბნის თბოელექტროსადგური , ნესკრას ჰიდროელექტროსადგური, თვითმფრინავების ქარხანა თბილისში, 5 ბრენდული სასტუმრო საქართველოში, რიქსოსი ლიკანში და სხვადსხვა პროექტები. ბოლო სასიხარულო ინფორმაცია, არის ის, რომ „კრედით სვისმო“-მ უმსხვილესმა საფინანსო ინსტიტუტმა,  დაუმტკიცა 150 მილიონი დოლარის სესხი საპარტნიორო ფონდს, და მათ შორის 100 მილიონი დოლარი ჩაირიცხა ჩვენს ანგარიშზე. ეს მოხმარდება ახალი პროქტების განხორციელებას“, - განაცხადა ირაკლი კოვზანაძემ.

ცნობისთვის, საქართველოს პრემიერ–მინისტრმა ირაკლი ღარიბაშვილმა „საპარტნიორო ფონდის“  ხელმძღვანელად, საპარლამენტო უმრავლესობის წევრი დავით საგანელიძე წარადგინა. „საპარტნიორო ფონდის“ ყოფილი ხელმძღვანელი ირაკლი კოვზანაძე კი, საბანკო ზემდამედველობის საბჭოს ხელმძღვანელი გახდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

არაგვზე ხიდის მშენებლობის გამო, სად შეიზღუდება წყალმომარაგება 36 საათით - GWP-ს განცხადება

მათიკაშვილი - პირდაპირი მსგავსებაა სექტანტურ მიმდინარეობასა და იმ ე.წ. პროტესტს შორის, რომელიც საქართველოში მიმდინარეობს

ბოჭორიშვილი: საქართველო მტკიცედ დგას უკრაინელი ხალხის გვერდით

სი ძინპინმა განაცხადა, რომ ჩინეთი და აშშ პარტნიორები უნდა იყვნენ და არა მეტოქეები