„ჩვენ შევქმნით დიდ საფინანსო განვითარების ინსტიტუტს, რომელიც იმ გეგმას განახორციელებს, რაც ბიძინა ივანიშვილის ხელმძღვანელობით დავიწყეთ“, – ამის შესახებ „საპარტნიორო ფონდის“ ხელმძღვანელმა დავით საგანელიძემ მთავრობის ადმინისტრაციაში გამართულ ბრიფინგზე განაცხადა. 
მან მთავრობას და „საპარტნიორო ფონდის“ საბჭოს წევრებს ნდობისთვის მადლობა გადაუხადა. 
 „საპარტნიორო ფონდი მართლაც ერთ–ერთი გამორჩეული სტრუქტურა იყო, არის და დარწმუნებული ვარ იქნება. მან ბევრი სასიკეთო საქმე გააკეთა. ნამდვილად მივესალმები იმ გრანდიოზულ თემებს, რომელიც ირაკლი კოვზანაძეს ხელმძღვანელობით ამ ფონდმა გააკეთა და ბევრს გააკეთებს კიდევ. იმედი მაქვს, რომ მთავრობასთან ერთად ჩვენ შევძლებთ სერიოზული რესტრუქტურიზაციის გაკეთებას ამ ფონდის ბაზაზე. ჩვენ საქართველოში ალბათ დიდ საფინანსო განვითარების ინსტიტუტს შევქმნით, რომელიც ბევრად უფრო დიდი მასშტაბის ინვესტიციების მოზიდვას შეძლებს ქვეყანაში და იმ გეგმას განახორციელებს, რომელიც ჩვენ 2012 წელს ბიძინა ივანიშვილის ხელმძღვანელობით დავიწყეთ ეკონომიკური გარდაქმნების სფეროში“, – აღნიშნა საგანელიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა ხელი მოაწერა კანონს რუსეთის წინააღმდეგ „ჯოჯოხეთური სანქციების“ შესახებ

საფრანგეთსა და შეერთებულ შტატებში დიზელის დეფიციტის გამო საწვავის კრიზისი დაიწყო

მაკრონმა საფრანგეთის ინფრასტრუქტურის დრონებით თავდასხმებისთვის მზადყოფნის ბრძანება გასცა

რუსეთის ერთ-ერთი ყველაზე ტიტულოვანი რეჟისორი ზვიაგინცევი „უცხოელი აგენტად“ გამოაცხადა