2020-10-13 17:21:27, 591 ნახვა

---

ვახტანგ ჩიქოვანის განცხადებით, გური ამირხანაშვილს გიორგი შაქარაშვილის მოძებნა არაერთხელ შესთავაზეს, თუმცა უარი მიიღეს

შაქარაშვილის საქმეზე ბრალდებულმა ვახტანგ ჩიქოვანმა დღეს დახურულ სასამართლო სხდომაზე განაცხადა, რომ საქმის ე.წ ოქროს მოწმეს, გური ამირხანაშვილს გიორგი შაქარაშვილის მოძებნა „ტოიოტა ქამრის“ მგზავრებმა არაერთხელ შესთავაზეს, თუმცა უარი მიიღეს.

მისი ადვოკატი აცხადებს, რომ ჩიქოვანმა სხდომაზე აღნიშნა, რომ გიორგი შაქარაშვილი რომ მოეძებნათ დღეს ცოცხალი იქნებოდა.

„ჩიქოვანის განმარტებით ამირხანაშვილს არ ჰქონდა ფული. ჰკითხეს თუ სად უნდა დაეტოვებინათ ის და განმარტა რომ აქ დავრჩებიო, გადმოვიდა მანქანიდან და წავიდა. ჩიქოვანმა დასანანად თქვა, რომ მას რომ მოეცა საშუალება იმისა, რომ შაქარაშვილი მოეძებნათ დღეს იგი ცოცხალი იქნებოდა“, - განაცხადა ადვოკატმა.

შეგახსენებთ, რომ დღეს მცხეთის რაიონულ სასამართლოში გიორგი შაქარაშვილის საქმის განხილვა გაგრძელდა.

---

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

---

დღის თემა

მთავარი თემა

ინტერვიუ - ექსკლუზივი