2020-10-09 17:39:25, 529 ნახვა
საზოგადოება
ახალდაბაში, ბეთანიის ქუჩაზე ბეტონის საფარი ეწყობა
ვაკის რაიონში საგზაო ინფრასტრუქტურის მოწესრიგება გრძელდება. ამ დროისთვის, ახალდაბაში, ბეთანიის ქუჩის რეაბილიტაცია აქტიურად მიმდინარეობს.
პროექტის თანახმად, ქუჩის დასაწყისში და ბოლოში იგება ასფალტის საფარი, დანარჩენ მონაკვეთზე კი, ბეტონის გზა ეწყობა.
ტერიტორიაზე უკვე მოეწყო სანიაღვრე კიუეტი.
ბეთანიის ქუჩის განახლება ადგილობრივების დიდი თხოვნა იყო. დაზიანებული გზის და დიდი აღმართის გამო, ქუჩაზე შეუძლებელი იყო გადაადგილება, მათ შორის, სასწრაფო სამედიცინო მომსახურების და საგანგებო სიტუაციების სამსახურის ავტომანქანების მოძრაობა.
გზის მოწყობის შედეგად, მოწესრიგდება 2 182 კვ. მ ფართობის ქუჩა, რაზეც 381 350 ლარია გამოყოფილი.
საგზაო სამუშაოებს ვაკის რაიონის გამგებელის მოვალეობის შემსრულებელი დავით კვინიკაძე გაეცნო.
ავტორი: NS (სტატია დაფინანსებულია),
epn.ge (@expressnews.ge)
