შაქარაშვილის საქმის პროკურორი - „ქამრის“ მგზავრებს ჰქონდათ საკმარისი დრო, რათა გიორგი შაქარაშვილი მოეკლათ

2020-10-08 12:51:02, 819 ნახვა

სამართალი

შაქარაშვილის საქმის პროკურორის, დავით ყაზარაშვილის განცხადებით, „ტოიოტა ქამრის“ მგზავრებს ჰქონდათ საკმარისი დრო, რათა გიორგი შაქარაშვილი მოეკლათ.

პროკურორის თქმით, დღეს ბრალდების მხარე სასამართლოში გამოიკვლევს მოწმეთა ჩვენებებს, რომლითაც დასტურდება, რომ გიორგი შაქარაშვილი მოკლული იყო.

„ბრალდების მხარემ სასამართლოში წარადგინა და გამოიკვლევს მოწმეთა ჩვენებებს, რომლითაც დასტურდება ის ფაქტი რომ გიორგი შაქარაშვილი მოკლული იყო. ასევე გამოვიკვლევთ ვიდეო ჩანაწერებს, რომლითაც კიდევ ერთხელ დადასტურდება, რომ ქამრის ბრალდებული მგზავრები მისდევდნენ გიორგი შაქარაშვილს და მასთან ერთად მყოფ პირებს. ქამრის მგზავრებს ჰქონდათ საკმარისი დრო რათა განეხორციელებინათ მისი მკვლელობა“, - განაცხადა

შეგახსნებთ, რომ მცხეთის რაიონულ სასამართლოში გიორგი შაქარაშვილის განზრახ მკვლელობის საქმეზე დაკავებული 5 პირის სასამართლო პროცესი მიმდინარეობს.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან