2020-10-07 18:29:00, 541 ნახვა

---

მამუკა მდინარაძე: ჩვენს მეგობარ ქვეყანას, აზერბაიჯანს, მეგობრულად ველაპარაკებით და საზღვრების დადგენის საკითხშიც ასევე გაგრძელდება

„ჩვენ დარწმუნებული ვართ, რომ აზერბაიჯანთან ურთიერთობისას საზღვრის საკითხს  მეგობრულად გადავწყვეტთ“, - ამის შესახებ პარლამენტის თავმჯდომარის მოადგილემ და საპარლამენტო უმრავლესობის ლიდერმა მამუკა მდინარაძემ „რუსთავი 2“-ის ეთერში განაცხადა.

მისივე თქმით,  საქართველოს აზერბაიჯანთან  საპრეტენზიო არაფერი გვაქვს.

„არანაირი სხვა ტენდენცია, გარანტიას გაძლევს, არც ერთი სხვაგვარი პოზიცია, ჩვენგან, ჩვენი ხელისუფლებიდან, არასდროს არ წავა.  „ქართული ოცნების“ ხელისუფლება არის ის ხელისუფლება, რომელსაც ომი არ ჰქონია და არც ექნება მსგავსი დაძაბულობები, მითუმეტეს მეგობრებთან. ჩვენ მეგობრობის ჩარჩოს, კამათის დონეზეც კი, არ გავცდებით. ოფიციალური სტრუქტურები ამას უზრუნველყოფენ და ეს ურთიერთობა დარჩება ისეთივე, როგორიც არის“, - აღნიშნა მამუკა მდინარაძემ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი