2020-10-01 15:44:49, 759 ნახვა
სამართალი
დავით გარეჯის კომისიის წევრების სახლსა და ოფისში ჩხრეკა მიმდინარეობს
დავით გარეჯის კომისიის წევრის, ნატალია ილიჩოვას საცხოვრებელ სახლსა და დავით-გარეჯის კომისიის ყოფილი თავმჯდომარის ივერ მელაშვილის ოფისში ჩხრეკა მიმდინარეობს.
ამის შესახებ ინფორმაცია „ექსპრესნიუსს“ გენერალურ პროკურატურაში დაუდასტურეს,
ამ ეტაპზე უწყებაში სხვა დეტალებზე არ საუბრობენ.
შეგახსენებთ, რომ საქართველოს პროკურატურამ საქართველო-აზერბაიჯანის სახელმწიფო საზღვრის დელიმიტაციის პროცესში მონაწილე კომისიის წევრების ქმედებების კანონიერებაზე გამოძიება სისხლის სამართლის კოდექსის 308-ე მუხლის პირველი ნაწილით დაიწყო.
ავტორი: ექსპრესნიუსი,
epn.ge (@expressnews.ge)
