2020-09-29 20:30:22, 876 ნახვა
სამართალი
დავით-გარეჯის ნაწილის აზერბაიჯანისთვის გადაცემის ფაქტზე გამოძიება დაიწყო
საქართველოს პროკურატურა იძიებს საქართველო-აზერბაიჯანის სახელმწიფო საზღვრის დელიმიტაციის პროცესში მონაწილე კომისიის წევრების ქმედებების კანონიერებას.
ამის შესახებ „ექსპრესნიუს“ გენერალური პროკურატურიდან აცნობეს.
როგორც განცხადებაშია აღნიშნული, გამოძიება სისხლის სამართლის კოდექსის 308-ე მუხლის პირველი ნაწილით მიმდინარეობს.
შეგახსენებთ, რომ დღეს გენერალურ პროკურატურაში დავით გარეჯის მონასტრის საკითხზე, არქიმანდრიტ კირიონის (ონიანი) გამოკითხვა მიმდინარეობდა.
არქიმანდრიტის გამოკითხვა რამდენიმე საათის წინ დასრულდა, მას ჟურნალისტებთან დეტალებზე არ უსაუბრია.
ავტორი: ექსპრესნიუსი,
epn.ge (@expressnews.ge)
