თბილისის საქალაქო სასამართლოს მოსამართლე ლაშა ჩხიკვაძემ ადვოკატების შუამდგომლობა, საკონსტიტუციო სასამართლოს გადაწყვეტილების საფუძველზე დედაქალაქის ყოფილი მერის გიგი უგულავას პატიმრობიდან გათავისუფლების თაობაზე, განუხილველი დატოვა. 
როგორც მოსამართლემ განმარტა, მოცემულ საქმეზე მოკლებულია შესაძლებლობა,  სხვა სისხლის სამართლებრივ საქმეზე შეფასება აწარმოოს. 
მისივე თქმით, აღნიშნული შუამდგომლობა საქალაქო სასამართლოში ოფიციალურად არის შეტანილი და მასზე სასამართლო იმსჯელებს, თუმცა, რა ფორმით, ეს იმ მოსამართლის გადასაწყვეტია, რომელსაც ეს საქმე დაეწერება. 
„ჩვენ მხოლოდ ახალი აღკვეთის ღონისძიების შესაძლებლობა შეგვიძლია განვიხილოთ“, – განაცხადა მოსამართლემ. 
ამ წუთებში საქმეზე, რომელიც „თბილსერვისისა“ და „რიყის ეპიზოდებს“ აერთიანებს, შესვენებაა გამოცხადებული. 
ცნობისთვის, ადვოკატებმა დღეს დილით თბილისის საქალაქო სასამართლოს გიგი უგულავას გათავისუფლების შუამდგომლობით მიმართეს. 
ადვოკატის თქმით, უგულავა უკანონო პატიმარია და სასამართლომ საკონსტიტუციო გადაწყვეტილების საფუძველზე ამ საკითხზე უნდა იმსჯელოს.
ადვოკატების განმარტებით, საკონსტიტუციო სასამართლომ დაადასტურა,რომ უგულავა უკანონო პატიმარია და მისი გათავისუფლება გადაწყვეტილების მიღებისთანავე უნდა მომხდარიყო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა ხელი მოაწერა კანონს რუსეთის წინააღმდეგ „ჯოჯოხეთური სანქციების“ შესახებ

საფრანგეთსა და შეერთებულ შტატებში დიზელის დეფიციტის გამო საწვავის კრიზისი დაიწყო

მაკრონმა საფრანგეთის ინფრასტრუქტურის დრონებით თავდასხმებისთვის მზადყოფნის ბრძანება გასცა

რუსეთის ერთ-ერთი ყველაზე ტიტულოვანი რეჟისორი ზვიაგინცევი „უცხოელი აგენტად“ გამოაცხადა