თბილისის საქალაქო სასამართლოში მიხეილ რამიშვილის გამოკითხვა დასრულდა

2020-09-23 17:50:03, 591 ნახვა

სამართალი

თბილისის საქალაქო სასამართლოში თამარ ბაჩალიაშვილის ოჯახის ადვოკატის, მიხეილ რამიშვილის მაგისტრი მოსამართლის წინაშე დაკითხვა დასრულდა.

როგორც რამიშვილმა ჟურნალისტებს განუცხადა, პროკურატურას კითხვები საქმეში არსებულ სატელიტის ფოტოებთან დაკავშირებით ჰქონდა, რომლებიც ადვოკატისა და დავით ფურცხვანიძის კომუნიკაციას უკავშირდებოდა.

„დაკითხვა მიდიოდა იმ მიმართულებით, რომ მე ხო არ შევუკვეთე ან ხომ არ გავაყალბე სატელიტის ფოტოები. საიდან გავიცანი დავით ფურცხვანიძე და ა.შ. გამოძიებას არანაირი ხელი არ შეშლია ამ ფოტოების გამო. თავიდანვე ხელი ჰქონდა შეშლილი, გამოძიება არასწორად მიდიოდა, დღესაც არასწორად მიდის და არასამართლიანად აგრძელებს, რადგან რაც დრო დახარჯა ამ აბსურდულ ძიებაში, იმ ქმედებებში, რომ მე ამ საქმეს ჩამომაცილოს, სჯობდა, ეს დრო და ენერგია საქმეში დაეხარჯა, თამარ ბაჩალიაშვილის საქმეში გამოეყენებინა“, - განაცხადა რამიშვილმა.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,