2015-09-16 13:01:47, 539 ნახვა

---

დავით უსუფაშვილი უგულავას საქმეზე: თუ მოსამართლის გადაწყვეტილება გამოსაქვეყნებლად მზად არ არის, დაანონსებაც არასწორია

პარლამენტის თავჯდომარე დავით უსუფაშვილის შეფასებით, თუ მოსამართლეს გადაწყვეტილება გიგი უგულავას საქმესთან დაკავშირებით ტექნიკურად და შინაარსობრივად მზად არ იყო გამოსაცხადებლად, მაშინ მისი დაანონსება არ უნდა მომხდარიყო.

ამ განცხადებით უსუფაშვილი ბიუროს სხდომაზე გუშინ, საკონსტიტუციო სასამართლოს მიერ დედაქალაქის მერის გიგი უგულავას საქმეზე გადაწყვეტილების გამოცხადებაზე უარის თქმას გამოეხმაურა. 

როგორც უსუფაშვილმა აღნიშნა, ამ საკითხთან დაკავშირებით მას საკონსტიტუციო სასამართლოს თავჯდომარესთან გიორგი პაპუაშვილთან შეხვედრა ჰქონდა. 

„მინდა გამოვეხმაურო  საკონსტიტუციო სასამართლოში გუშინ განვითარებულ თუ ვერ განვითარებულ მოვლენებს. ეს უკიდურესად არასასურველი მოვლენაა სასამართლოსთვის და მთლიანად სახელისუფლებო ინსტიტუტებისთვის,  რადგან, ჯერ დაანონსდა გადაწყვეტილების გამოცხადება, შემდგომ მოგვიანებით ითქვა, რომ ეს გადაწყვეტილება ტექნიკურად მზად არ არის, რადგან ერთ–ერთი მოსამართლე ჯანმრთელობის მდოგმარეობის გამო ვერ ახერხებს გადაწყვეტილებაზე ხელის მოწერას და გადაწყვეტილებაც  ვერ გამოცხადდა. გუშინ  საუბარი მქონდა  საკონსტიტუციო სასმართლოს თავჯდომარესთან გიორგი პაპუაშვილთან და ვთხოვე, რაც შეიძლება სწრაფად შევიდეს სიცხადე ამ საკითხში.  რაც შეეხება გადაწყვეტილების შინაარს, ცხადია ჩვენ ამაზე არაფერი გვისაუბრია, მაგრამ, ის, რომ გაჩნდა გარკვეული საბაბი სხვადასხვა მითქმა–მოთქმის– ერთის მხირვ, რომ ჯერ დაუსურულებელი თუ ტექნიკურად გაუმართავი გადაწყვეტილების გამოცხადება დაანონსდა და ხომ არ არის რაიმეს გამო ზედმეტი სიჩქარე, მეორეს მხრივ, როდესაც სრულიად გაუგებარი თუ არადამაჯერებელი მიზეზის გამო, მოსამართლის ხელმოწერის დასმა ვერ მოხერხდა გადაწყვეტილებაზე, ხომ არ არის გადაწყვეტილების გამოქვეყნების ხელოვნურად გაჭიანურების მცდელობა.  არც ერთი ვერსია არ ემსახურება იმას, რომ ქვეყანაშ კონსტიტუციური წესრიგი დამკვიდრდეს და სასამართლო სარგებლობდეს იმ ნდობით და ავტორიტეტით, რაც აუცილებელია. 
გიორგი პაპუაშვილმა თქვა, რომ სიტუაციაში კიდევ გაერკვევა  და იმედი მაქვს, რომ არ იქნება არც ზედმეტი სიჩქარე და არც ხელოვნური შეფერხება. სასამართლოში მხარეები იმიტომ მიდიან,რომ რაღაც საკითხებზე არის შეუთანხმებლობა, ამიტომ ვიღაც რაღაცით კმაყოფილია ან უკმაყოფილოა, ეს არ არის სასამართლოს თუ მოსამართლეების განსჯადი საკითხი, სასამართლომ და მოსამართლეებმა უნდა განსაჯონ არსებული თემა, დავა და მერე დანარჩენი კმაყოფილები და უკმაყოფილოები თავად მოახერხებენ თავიანთი პოზიციების გამოთქმას.  ამიტომ მე ვისურვებდი , რომ ეს ძალიან სწრაფად მოგვარდეს“, – განაცხადა უსუფაშვილმა. 

მისივე თქმით, თუ გადაწყვეტილების გამოცხადებას მოსამართლის ჯანმრთელობის მდგომარეობა აფერხებს, მაშინ შესაძლებელია ის მოსამართლესთან მიიტანონ. 
 
„თუ ვინმეს ჯანმრთელობის მდგომარეობა აფერხებს და რამე ისეთი პრობლემა არ არის, პრობლემაა ქაღალდზე ხელის მოწერის, მაშინ თუ მოსამართლე ვერ მიდის სასამართლოში, შეიძლება გადაწყვეტილების მიტანა მოსამართლესთან.  თუ რამე სხვა პრობლემაა, ესეც გავიგოთ . თუ გადაწყვეტილება ტექნიკურად და შინაარსობრივად მზად არ არის გამოსაქვეყნებლად, მაშინ დაანონსებაც არ არის სწორი“, – აღნიშნა დავით უსუფაშვილმა.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი