ბათუმის რესპუბლიკური საავადმყოფოს ექიმზე ძალადობის ბრალდებით ენმ-ს წევრი დააკავეს

2020-09-21 18:20:15, 627 ნახვა

სამართალი

ბათუმის რესპუბლიკური საავადმყოფოს ექიმზე ძალადობის ბრალდებით „ნაციონალური მოძრაობის“ წევრი, დავით გეგიაძე დააკავეს.

საავადმყოფოს კლინიკურმა მენეჯერმა გიორგი კიკაბიძემ განაცხადა, რომ გეგიაძეს კოვიდინფიცირებულის მონახულება სურდა.

„მოვიდა მოქალაქე, რომელსაც უნდოდა კოვიდინფიცრეული პაცინტის მონახულება. ექიმმა მიუთითა პაციენტს ორმ ნახვა არ შეეძლო. ამას მოჰყვა სიტყვიერი დაპირისპირება“, განაცხადა რესპუბლიკური საავადმყოფს კლინიკურმა მენეჯერმა გიორგი კიკაბიძემ.

დაკავებულის ადვოკატი აცხადებს, რომ მის დაცვის ქვეშ მყოფს ფიზიკურად არავიძე არ უძალადია.

„ფიზიკურ შეურაცხყოფას ადგილი არ ჰქონია, თუ ვინმეს მხრიდან ჰქონდა ფიზილკურ შეურაცხყოფას ადგილი, ეს იყო ის დაზარალებული ვინცაა ახლა ცნობილი“, - განაცხადა ადვოკატმა ბადრი ბერიძემ.

ფაქტზე გამოძიება სისხლის სამართლის კოდექსის 126-ე მუხლით დაიწყო, რაც ძალადობას გულისხმობს.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან