თბილისში თურქეთის რესპუბლიკის საბაჟოსა და ვაჭრობის საქმეთა მინისტრის ნურეტინ ჩანილიკის ორ დღიანი ოფიციალური ვიზიტი დაიწყო. 

ფინანსთა სამინისტროს ინფორმაციით, საპატიო სტუმარს და თურქული დელეგაციის წევრებს აეროპორტში  ფინანსთა მინისტრი ნოდარ ხადური, მინისტრის პირველი მოადგილე, შემოსავლების სამსახურის უფროსი გიორგი თაბუაშვილი და სამინისტროს წარმომადგენლები დახვდნენ.

თურქეთის დელეგაციაში, საბაჟოსა და ვაჭრობის საქმეთა მინისტრის გარდა, არიან მინისტრის მოადგილე, ევროკავშირისა და საგარეო ურთიერთობების თავმჯდომარე, საბაჟოს გენერალური დირექტორი, თურქეთის საბაჟოს ატაშე ბათუმში და სხვა ოფიციალური პირები.

ვიზიტის ფარგლებში დაგეგმილია მინისტრების პირისპირ შეხვედრა, აგრეთვე საბაჟო და საგადასახადო ინფრასტრუქტურის დათვალიერება.  თურქეთის საბაჟოსა და ვაჭრობის საქმეთა მინისტრი თურქეთის საელჩოში შეხვედრას გამართავს თურქ ბიზნესმენებთან.

მხარეები განიხილავენ ორმხრივი და მრავალმხრივი თანამშრომლობის საკითხებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპსა და ზელენსკის შეხვედრის შემდეგ, შესაძლოა Patriot-ის წარმოების ლიცენზია უკრაინას გადაეცეს

აშშ-ის სანქციების გამო, თურქეთმა ირანთან საავიაციო და საბანკო ურთიერთობების გაწყვეტა დაიწყო

ევროკავშირმა, საფრანგეთისა და ლუქსემბურგის ზეწოლის ქვეშ, უსმანოვისა და ფრიდმანის წინააღმდეგ სანქციები მოხსნა

გერმანიაში, ამერიკულ საჰაერო ბაზაზე თვითმფრინავი ჩამოვარდა, პილოტი კატაპულტირების შემდეგ გადარჩა