შაქარაშვილის საქმის პროკურორი: ბრალდებულებმა გამოძიებას მტკიცებულებების მიღების შესაძლებლობა მოუსპეს

2020-09-08 15:21:53, 4515 ნახვა

სამართალი

პროკურორ დავით ყაზარაშვილის განცხადებით, გიორგი შაქარაშვილის საქმის ბრალდებულებს ფრჩხილები დაჭრილი ჰქონდათ როდესაც უწყებაში მივიდნენ, შესაბამისად, გარდაცვლილის ტანსაცმელზე მათი დნმ ვერ ამოვიდოდა.

ყაზარაშვილი აღნიშნავს, რომ ბრალდებულები მოემზადნენ და ისე მოვიდნენ და იცოდნენ, რომ მათ ტანსაცმელზე არანაირი კვალი არ იქნებოდა.

„შეუძლებელია ადამიანი ამდენი ხანი წყალში იმყოფებოდეს და მასზე დნმ -ის ან მიკრონაწილაკების კვალი დარჩეს, თუნდაც ფრჩხილებში. ბრალდებულების მიკრონაწილაკები არ აღმოჩნდა ტანსაცმელზე. ბრალდებულები როდესაც ჩვენთან მოვიდნენ და მათგან ნიმუშები ავიღეთ, ფრჩხილები ყველას დაჭრილი ჰქონდა. ისინი მოემზადნენ და ისე მოვიდნენ. მე ვფიქრობ, რომ მათ უკვე იცოდნენ, რომ მათ ტანსაცმელზე კვალი არ იქნებოდა. მათ ტელეფონებშიც წაშალეს მტკიცებულებები და გამოძიებას მოუსპეს ამ მტკიცებულებების მიღების შესაძლებლობა“, - განაცხადა ყაზარაშვილმა.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან