2020-08-22 11:56:01, 5815 ნახვა

---

პრემიერი ხაზარაძის წერილზე - ამ სასაცილო ისტორიაში ჩემი ვალდებულება გამოძიებასთან თანამშრომლობა იყო და მე ეს შევასრულე

ამ სასაცილო ისტორიაში ჩემი ვალდებულება იყო გამოძიებასთან თანამშრომლობა და მე ეს შევასრულე, - ასე უპასუხა საქართველოს პრემიერ-მინისტრმა, გიორგი გახარიამ პროკურატურის მიერ გუშინ გავრცელებულ ინფორმაციასთან დაკავშირებით ჟურნალისტების შეკითხვას.

„ „არტარეას“ უყურებთ? უყურეთ „არტარეას“ და მიხვდებით, რომ ობიექტურობის ხარისხი ნამდვილად გაეზარდა „არტარეას“. ამაზე ღიმილის გარეშე რა უნდა გიპასუხოთ. ამ სასაცილო ისტორიაში ჩემთვის ყველაზე მნიშვნელოვანი და მთავარი იყო, რომ მე ჩემი ვალდებულება, როგორც საქართველოს რიგითი მოქალაქის, გამოძიებასთან თანამშრომლობა უნდა შემესრულებინა და მე ეს შევასრულე, ისევე, როგორც სხვებმაც უნდა შესრულონ“, - განაცხადა გიორგი გახარიამ.

ცნობისთვის, პროკურატურამ გუშინ მამუკა ხაზარაძის და ბადრი ჯაფარიძის მიმართ განხორციელებული შესაძლო იძულების ფაქტზე დანიშნული დაქტილოსკოპიური ექსპერტიზის დასკვნა გაავრცელა. დასკვნის თანახმად, მამუკა ხაზარაძის წერილზე არსებული თითის ანაბეჭდები არ ეკუთვნის გიორგი გახარიას.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი