ამერიკულმა კომპანიამ Oracle-მა, შესაძლოა, TikTok-ის ამერიკული, კანადური, ავსტრალიური და ახალი ზელანდიური აქტივები შეიძინოს.

კომპანია Oracle-ს გარდა TikTok-ის ამერიკული ნაწილის შესაძენად მოლაპარაკებებს აწარმოებდა Microsoft-იც.

ამერიკული კომპანიის განცხადებას გამოეხმაურა შტატების პრეზიდენტიც, მისი განცხადებით შემოსავალის დიდი ნაწილი აშშ-ს ეკუთვნის.

„აშშ-მ ფასის დიდი წილი უნდა მიიღოს, რადგან ეს ჩვენ გავხადეთ შესაძლებელი. ეს შემოსავალი იქნება იმ გაყიდვიდან, რომელზეც არავინ იფიქრებდა ჩემ გარდა, მაგრამ მე ასე ვფიქრობ და მიმაჩნია, რომ ეს სამართლიანია“, – განაცხადა ტრამპმა.

შეგახსენებთ, რომ შტატების პრეზიდენტმა ჩინური აპლიკაცია და მისი მფლობელი კომპანია მომხმარებლების მონაცემების შენახვასა და ჩინეთის მთავრობისთვის მიწოდებაში დაადანაშაულა.

ამ ბრალდების შემდეგ ტრამპი კომპანიას დაემუქრა, თუ მფლობელები არ გაყიდიდნენ აპლიკაციას ამერიკულ კომპანიაზე, ვეღარ შეძლებდნენ აშშ-ში თავიანთი პროდუქტის რეალიზებას.

TikTok-ის მომხმარებლების უმრავლესობა აშშ-ში ცხოვრობს, შესაბამისად ჩინურმა კომპანიამ მუქარას ყურადღება არ მიაქცია.

რამდენიმე დღის წინ კი დონალდ ტრამპმა აპლიკაცია განსაზღვრული ვადით აკრძალა და მფლობელები არჩევანის წინაშე დააყენა.

ავტორი: ექსპრესნიუსი,

სოციალური ქსელები

გარდაიცვალა პუტინისტი და უკრაინული შოუ „X-ფაქტორის“ ყოფილი მოსამართლე სერგეი სოსედოვი

ირანის საგარეო საქმეთა მინისტრმა ევროპა გააფრთხილა აშშ-სა და ისრაელის მხარდაჭერის შედეგების შესახებ

ზელენსკიმ გაეროს გენერალური ასამბლეის ტრიბუნიდან რუსეთს ენერგეტიკულ სექტორზე საპასუხო დარტყმებით დაემუქრა

რუსი ჟურნალისტი და ბლოგერი იური დუდი ტერორისტებისა და ექსტრემისტების სიაში დაამატეს