თავდაცვის მინისტრის თინა ხიდაშელის შეფასებით, თუ საქართველოში რუსული აგრესია გაგრძელდება და ნატოს წევრი არ გახდება, 10 წლის შემდეგ, ქვეყანას ალიანსში გასაწევრიანებლად ბრძოლის უნარი შესაძლოა აღარ ჰქონდეს.

ამის შესახებ ხიდაშელმა „თბილისი რუმსში“ მიმდინარე საერთაშორისო კონფერენციაზე განაცხადა.

„როდესაც ნატოზე ვსაუბრობთ, მე ნამვდილად ვერ გავხდები უფრო მოკრძალებული. ჩვენ ვსაუბრობთ სახელმწიფოს გადარჩენაზე რომელიც პატარავდება. კაცმა არ იცის, 2, 5 ან 10 წლის მერე საქართველოში რა დარჩება თუ ასე გაგრძელდა ყველაფერი. შეიძლება რასაც ვამბობ ძალიან დრამატულად ჟღერს ყველაფერი, მაგრამ ეს ასეა, ამ თემაზე ვერ ვიხუმრებ. ის აგრესია, რომელსაც ჩრდილოელი მეზობელი ავლენს ჩვენს მიმართ, ამაზე უნდა ვთქვათ, რომ ეს არის ჩვენი არსებობა არ არსებობის საკითხი. ეს არის ეგზისტენციალური, ეს მოხდება ახალ დეკემბერში თუ შემდეგ სამიტზე ან მინისტერიალზე, თითოეული შემდგომი 6 თვე უზარმაზარი მნიშვნელობისაა საქართველოსთვის. 2, 4 ან 10 წელიწადში თუ საქართველო კიდევ იქნება, მას გამოცდილი ექნება ძალიან ბევრი ომი. შეიძლება გადავრჩეთ, ვარსებობდეთ, მაგრამ როგორ ვიქნებით ? მართლა ვიქნებით ისევ ის ქევყანა რომელიც ევროპაზე იზრუნებს და იმუშავებს, თუ არა. რუსეთს აქვს თავისი განაცხადები, მოთხოვნები, არის მისი ზეგავლენა - ეს არის უსაფრთხოების თემასთან დაკავშირებული რეალობა“, - აღნიშნა ხიდაშელმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა ხელი მოაწერა კანონს რუსეთის წინააღმდეგ „ჯოჯოხეთური სანქციების“ შესახებ

საფრანგეთსა და შეერთებულ შტატებში დიზელის დეფიციტის გამო საწვავის კრიზისი დაიწყო

მაკრონმა საფრანგეთის ინფრასტრუქტურის დრონებით თავდასხმებისთვის მზადყოფნის ბრძანება გასცა

რუსეთის ერთ-ერთი ყველაზე ტიტულოვანი რეჟისორი ზვიაგინცევი „უცხოელი აგენტად“ გამოაცხადა