ეროვნული ბანკის პრეზიდენტის გიორგი ქადაგიძის განცხადებით, ეროვნული ბანკიდან ზედამხედველობის სამსახურის გამოყოფა მცდარი გადაწყვეტილებაა.

როგორც ქადაგიძემ ჟურნალისტებს განუცხადა, დღეს ქვეყანაში გაცილებით უფრო მნიშვნელოვანი პრობლემებია, რომლებიც მოქალაქეების ეკონომიკურ და სოციალურ მდგოამარეობაზე აისახება.

ქადაგიძის განცხადებით, ამ პრობლემების აღმოსაფხვრელად ახლა ერობლივი მუშაობაა საჭირო.

„ეროვნული ბანკის პოლიტიკის სისწორე აღნიშნულია ყველა საერთაშორისო ორგანიზაციის მიერ, ყველა ავტორიტეტული ეკონომისტის მიერ. კითხვა იმასთან დაკავშირებით, სწორი პოლიტიკა გაატარა თუ არა ეროვნულმა ბანკმა, არ არსებობს. რაც შეეხება ზედამხედველობის გამოყოფას, მე ვთვლი და ეროვნული ბანკის პოზიციაა, რომ ეს იყო მცდარი გადაწყვეტილება, მაგრამ მიუხედავად ამისა, ამით არ მთავრდება ჩვენი ყოფა და დღევანდელობა. უნდა გავაგრძელოთ მუშაობა. დღეს გვაქვს გაცილებით უფრო მნიშვნელოვანი პრობლემები, ეს არის ჩვენი მოქალაქეების ეკონომიკური, სოციალური მდგომარეობა და ის, რაც გაუფასურებულმა ლარმა მოიტანა. ახლა ჩვენ ყველამ ერთად უნდა ვიმოქმედოთ იმისათვის, რომ აღდგეს სავალუტო შემოდინებები ქვეყანაში, რამაც უნდა გამოიწვიოს ჩვენი მოქალაქეებისთვის შვება, როგორც ეკონომიკური, ისე სოციალური თვალსაზრისით“, - განაცხადა გიორგი ქადაგიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა ხელი მოაწერა კანონს რუსეთის წინააღმდეგ „ჯოჯოხეთური სანქციების“ შესახებ

საფრანგეთსა და შეერთებულ შტატებში დიზელის დეფიციტის გამო საწვავის კრიზისი დაიწყო

მაკრონმა საფრანგეთის ინფრასტრუქტურის დრონებით თავდასხმებისთვის მზადყოფნის ბრძანება გასცა

რუსეთის ერთ-ერთი ყველაზე ტიტულოვანი რეჟისორი ზვიაგინცევი „უცხოელი აგენტად“ გამოაცხადა