|
2015-09-07 11:39:06, 816 ნახვა
ეკონომიკა
ქადაგიძე: ეროვნული ბანკი მზადაა, საჭიროების შემთხვევაში უფრო აგრესიული მონეტარული პოლიტიკა განახორციელოს
საქართველოს ეროვნული ბანკის პრეზიდენტის გიორგი ქადაგიძის განცხადებით, ლარის კურსთან მიმართებაში ფუნდამენტური ფაქტორები აღმოფხვრილია. მისივე თქმით, ეროვნული ბანკი მზადაა, საჭიროების შემთხვევაში უფრო აგრესიული მონეტარული პოლიტიკა განახორციელოს. თუმცა, როგორც ქადაგიძემ აღნიშნა, იმისათვის, რომ ეროვნული ბანკის ინსტრუმენტების მიმართ ნდობა არსებობდეს, მნიშვნელოვანია, რომ მთავრობამ და განსაკუთრებით ეკონომიკური ბლოკის მინისტრებმა რეფინანსირების ინსტრუმენტთან და მთლიანად მონეტარულ პოლიტიკასთან დაკავშირებით საკუთარი პოზიცია დააფიქსირონ. „კანონთან დაკავშირებით ეროვნული ბანკის პოზიცია ცხადია და აღარ გავიმეორებ. დღეს გვაქვს შემდეგი ვითარება: ის მილიარდი დოლარი რომელიც დააკლდა ჩვენს ეკონომიკას ბოლო წლის განმავლობაში, ამ მილიარდი დოლარის შემოდინების დანაკლისმა გამოიწვია კურსის გაუფასურება. შესაბამისად, გაუფასურებულმა კურსმა შეამცირა იმპორტი იგივე ოდენობით და დღეს შეგვიძლია ვთქვათ, შემოდინების ნაწილი უკვე ასახულია იმპორტის შემცირებაში, შესაბამისად, ამ მიმართულებით კურსზე ზეწოლას აღარ ველოდებით. ამას აქვს სხვა უარყოფითი ფაქტორები, თუმცა კურსთან მიმართებაში ფუნდამენტური ფაქტორები აღმოფხვრილია. ჩვენ მზად ვართ უფრო აგრესიული მონეტარული პოლიტიკის გასატარებლად სხვადასხვა მიმართულებით თუ ამის საჭიროება დადგება, თუმცა იმისათვის, რომ ბაზრის მონაწილეებს ჩვენი ინსტრუმენტების მიმართ ნდობა ჰქონდეთ, მნიშვნელოვანია მთავრობამ, განსაკუთრებით ეკონომიკური ბლოკის მინისტრებმა დააფიქსირონ თავიანთი პოზიცია რეფინანსირების ინსტრუმენტსა და მთლიანად მონეტარულ პოლიტიკასთან დაკავშირებით. დროა წერტილი დაესვას ამ საკითხს. როგორც კი ამ საკითხს წერილს დავუსვამთ, უფრო პროაქტიური ქმედებების განხორციელება შეგვეძლება“, - განაცხადა გიორგი ქადაგიძემ.
ზელენსკიმ უკრაინას, აშშ-სა და ევროპას შორის ლიდერების დონეზე მიმდინარე „რთულ“ დიალოგზე ისაუბრა
მაკა ბოჭორიშვილი: ჩვენ ვაგრძელებთ მუშაობას იმისათვის, რომ ეუთო-ს მომავალი წლის თავმჯდომარეობაზე კონსენსუსი იყოს მიღწეული
ხაბეიშვილი მოსამართლეებზე - ეს აბსოლუტური სკუნსები, როგორ ბედავენ საქართველოს სახელით საუბარს?! ეს თვალებყლეპია ხალხი ანწუხელიძეს, საქართველოს რა უფლებით ასამართლებს?!
ბოჭორიშვილი კატარის საგარეო საქმეთა სახელმწიფო მინისტრს, სულთან ბინ საად ალ-მურაიხის შეხვდა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



