საქართველოში Covid19 განათლებაში არსებულ უფსკრულს უფრო მეტად აღრმავებს, - ამის შესახებ ინფორმაციას  Unicef ავრცელებს.

ანგარიშში ყურადღება გამახვილებულია იმ პრობლემებზე, რომელიც კორონავირუსის პანდემიამ ქვეყანაში შექმნა.

ასევე აღნიშნულია, რომ ქვეყნაში სკოლების დროებით დახურვა და ინტერნეტის პრობლემა უფრო ამძაფრებს განათლებაში არსებულ უთანასწორობას.

„COVID-19– ის პირველი შემთხვევა საქართველოში 2020 წლის თებერვალში, რის შედეგადაც მთავრობამ დააწესა მთელი რიგი ღონისძიებები, სკოლების დახურვის ჩათვლით. ქვეყნის მასშტაბით სკოლები დისტანციურ სწავლებაზე მარტის ბოლოდან გადავიდნენ. მოულოდნელმა ცვლილებამ გარკვეული პრობლემები გააჩინა, განსაკუთრებით სოფლად,სადაც ინტერნეტზე წვდომა პრობლემური საკითხია“, - ვკითხულობთ ანგარიშში.

UNICEF– ის წარმომადგენელი საქართველოში აცხადებს, რომ მნიშვნელოვანია მოსწავლეების ინტერნეტით უზრუნველყოფა.

ამასთანავე, ყურადღება გამახვილებულია იმაზეც, რომ პანდემიის დაწყებამდეც საქართველოში სკოლაში დასწრების უთანასწორობა ისედაც აისახებოდა. შიდა ქართლის რეგიონის სოფლებში, მაგალითად ნიქოზში, ყველაზე დაბალი მონაწილეობა დაფიქსირდა სასწავლო პროცესში. აქ მოსწავლეთა მხოლოდ 68 პროცენტი იყოს პროცესში ჩართული. ეს მაჩვენებელი კი დედაქალაქში დაახლოებით 90 პროცენტს შეადგენდა.

დაბოლოს, აღნიშნულია, რომ განათლების მიღებასთან დაკავშირებული უთანასწორობა ნაცნობი საკითხია, რადგან მთელს მსოფლიოში თითქმის 1,2 მილიარდმა სტუდენტი კორონავირუსის პანდემიის გამო სკოლაში ვეღარ დადის. ეს კი აღრმავებს განათლებაში არსებულ უფსკრულს.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

გერმანიაში, სამხედრო აეროდრომის მახლობლად, უცნობი დრონის ნამსხვრევები იპოვეს

ნატო: რუსეთმა მოკავშირეების დაშინება დანიური ვერტმფრენის მიმართულებით ცეცხლსასროლი იარაღის სროლით სცადა

ტრამპ უმცროსის მეუღლემ დაადასტურა, რომ პუტინის დაცვის უფროსის მეგობარმა აშშ-ის პრეზიდენტის შვილის ქორწილი დააფინანსა

ოცნების 14-მა ე.წ დეპუტატმა ტელეფონის სქროლისას ვერ შეამჩნიეს, როგორ დაუჭირეს მხარი გახარიას პარტიის ინიციატივას