„ირაკლი ოქრუაშვილთან დაკავშირებით ვერ მოუნელებია ბიძინა ივანიშვილს, რომ აიძულეს მისი გამოშვება და დარდით ეღვიძება“, - ამის შესახებ „ნაციონალური მოძრაობის“ წევრმა რომან გოცირიძემ განაცხადა.

გოცირიძე აღნიშნავს, რომ ესაა ბიძინა ივანიშვილის „ბოლო გაფაფხურება“

„ირაკლი ოქრუაშვილთან დაკავშირებით ვერ მოუნელებია ბიძინა ივანიშვილს, რომ აიძულეს მისი გამოშვება და რამდენჯერაც გაეღვიძება, როგორც ჩანს, დარდით ეღვიძება და დაავალა სასამართლოს, რომ ეს პროცესები დაიწყოს. ესაა ბოლო გაფაფხურება“, - განაცხადა გოცირიძემ.

შინაგან საქმეთა ყოფილი მინისტრის, ირაკლი ოქრუაშვილისა და ყოფილი გენერალური პროკურორის, ზურაბ ადეიშვილის სასამართლო პროცესი ბუტა რობაქიძის საქმესთან დაკავშირებით მიმდინარეობს.

ცნობისთვის, რომ ოქრუაშვილსა და ადეიშვილს აღნიშნულ საქმეზე სამსახურეობრივი უფლებამოსილების ბოროტად გამოყენებას ედავებიან. მათ ბრალი სსსკ-ის 332-ე მუხლის მესამე ნაწილის „გ“ ქვეპუნქტით (2006 წლის 31 მაისამდე მოქმედი რედაქცია) წარედგინათ, რაც სასჯელის სახით თავისუფლების აღკვეთას სამიდან რვა წლამდე ვადით ითვალისწინებს.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

EU-მ რუსეთის სამხედრო-სამრეწველო კომპლექსის წინააღმდეგ სანქციების უპრეცედენტო პაკეტი დაამტკიცა

პენიტენციურის თანამშრომლების ფიზიკური შეურაცხყოფისთვის 3 მსჯავრდებულს ბრალდება წარედგინა

შპს "მდინარაძის საკონსულტაციო ჯგუფი" - მამუკა მდინარაძე ბიზნესში მიდის

საქართველოს ბანკის მხარდაჭერით მონოლით ჯგუფი Monolith New Depo-ს პროექტს ახორციელებს