უკრაინის საგარეო საქმეთა მინისტრი დიმიტრი კულება, საქართველოს საგარეო საქმეთა სამინისტროში უკრაინელი ელჩის დაბარებაზე მიხეილ სააკაშვილის განცხადებას გამოეხმაურა.

ბრიფინგზე კულებამ განაცხადა, რომ სააკაშვილის გარშემო შექმნილი სიტუაცია იწვევს მწუარებას, რადგან „უკრაინის მოქალაქე, რომელიც არ არის უფლებამოსილი სახელმწიფოს სახელით ილაპარაკოს, აქტიურად აკეთებს კომენტარებს საქართველოში არსებულ სიტუაციაზე არჩევნებამდელ პერიოდში“.

„ყოველი მისი განცხადება მთავრდება იმით, რომ უკრაინელ ელჩს იბარებენ საქართველოს საგარეო საქმეთა სამინისტროში და გამოთქვამენ უკმაყოფილებას უკრაინის მოქალაქის, მიხეილ სააკაშვილის განცხადებებზე. დისბალანსი იმაშია, რომ ერთი ადამიანი აკეთებს განცხადებას, სახელმწიფო კი, ამას, ბოდიშს გიხდით და იმკის“, - აღნიშნა საგარეო საქმეთა მინისტრმა.

მისივე თქმით, უკრაინა აფასებს საქართველოსთან მეგობრობას.

„საგარეო საქმეთა სამინისტროს პოზიცია მაქსიმალურად ნათელია: სააკაშვილი არის ერთ-ერთი რიგითი ადამიანი, რომლის საქართველოზე გაკეთებული კომენტარებიც არ ნიშნავს უკრაინის პოზიციაც“, - აღნიშნა კულებამ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

პენტაგონი: ირანთან ომი აშშ-ს უკვე 45.1 მილიარდი დოლარი დაუჯდა

ტრამპმა ხელი მოაწერა კანონს რუსეთის წინააღმდეგ „ჯოჯოხეთური სანქციების“ შესახებ

საფრანგეთსა და შეერთებულ შტატებში დიზელის დეფიციტის გამო საწვავის კრიზისი დაიწყო

მაკრონმა საფრანგეთის ინფრასტრუქტურის დრონებით თავდასხმებისთვის მზადყოფნის ბრძანება გასცა