„ნაციონალური მოძრაობის“ წევრის სალომე სამადაშვილის განცხადებით, კონგრესმა დაამტკიცა კანონპროექტი, რომელზეც გუშინ მმართველი გუნდი ურცხვად ამბობდა, რომ მსგავსი პროექტი ბუნებაშიც არ არსებობს.

სამადაშვილი აღნიშნავს, რომ ბიძინა ივანიშვილი და მისი პოლიტიკური რეჟიმი მათი მმართველობის უკანასკნელ თვეებშიც კი ახერხებენ იმას, რომ გამოუსწორებელ დარტყმას მიაყენონ სტრატეგიულ ურთიერთობას აშშ-სთან.

„ბიძინა ივანიშვილი და მისი პოლიტიკური რეჟიმი მათი მმართველობის უკანასკნელ თვეებშიც კი ახერხებენ იმას, რომ გამოუსწორებელ დარტყმას აყენებენ ჩვენს სტრატეგიულ ურთიერთობას აშშ-სთან.

მიუხედავად იმისა, რომ გუშინ მთელი დღის მანძილზე ჩვენ გვესმოდა ურცხვი ტყუილები ქვეყნის საგარეო საქმეთა მინისტრისა და უმრავლესობის დეპუტატებისგან იმის თაობაზე, რომ ბუნებაშიც არ არსებობს პროექტი, რომელიც ითვალისწინებს ფინანსურ სანქცია ჩვენი ქვეყნისთვის, ბიძინა ივანიშვილისა და მისი პოლიტიკური გუნდის მიერ ქვეყანაში დემოკრატიული სივრცის შეზღუდვის გამო, რეალურად გუშინ კონგრესზე ყველაზე გავლენიანმა, საბიუჯეტო კომიტეტმა დაამტკიცა კანონპროექტი, რომელიც მსგავს ფინანსურ სანქციას ითვალისწინებს“, - განაცხადა სამადაშვილმა.

შეგახსენებთ, რომ აშშ-ის კონგრესის წარმომადგენელთა პალატის ასიგნაციების კომიტეტმა კანონპროექტი, რომელშიც საქართველოს დაფინანსების საკითხზეა საუბარი, დაამტკიცა. აღნიშნულ კანონპრექტს მხარი დაუჭირა 29 კანონმდებელმა, ხოლო 21 წინააღმდეგი იყო.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

პენტაგონი: ირანთან ომი აშშ-ს უკვე 45.1 მილიარდი დოლარი დაუჯდა

ტრამპმა ხელი მოაწერა კანონს რუსეთის წინააღმდეგ „ჯოჯოხეთური სანქციების“ შესახებ

საფრანგეთსა და შეერთებულ შტატებში დიზელის დეფიციტის გამო საწვავის კრიზისი დაიწყო

მაკრონმა საფრანგეთის ინფრასტრუქტურის დრონებით თავდასხმებისთვის მზადყოფნის ბრძანება გასცა