პარლამენტის ვიცე-სპიკერი გია ვოლსკი გამოეხმაურა ოპოზიციის მოთხოვნას თურქეთთან სახმელეთო საზღვრის გახსნის შესახებ და განაცხადა, რომ ბრტყელ-ბრტყელ სიტყვებს შეიძლება საერთოდ იგნორირება გაუკეთო.

ვოლსკიმ განმარტა, რომ თურქეთში მძიმე ეპიდემიოლოგიური მდგომარეობაა და კონტროლი არის საკმაოდ დაბალ დონეზე იმისთვის სახმელეთო საზღვარი გაიხსნას.

„როდესაც ევროკავშირთან ფრენებსა და მიმოსვლებზე საქართველოს ურთიერთობები  ყალიბდება, ეს პროფესიონალურად განიხილება. ასე რომ, შენიშვნებს, წინადადებებს, განცხადებებს, ბრტყელ-ბრტყელ სიტყვებს შეიძლება საერთოდ იგნორირება გაუკეთო, იმიტომ, რომ ოპოზიციის ერთადერთი მიზანი  არის საზოგადოებაში რაღაც ეჭვების შეტანა,  თითქოს რაღაც არასწორად კეთდება. დესტრუქციული ოპოზიცია დავარქვით და ზუსტად შეესაბამება თავის სახელს. მით უმეტეს, თურქეთის თემასთან დაკავშირებით. უმძიმესი მდგომარეობაა და კონტროლი არის საკმაოდ დაბალ დონეზე იმისთვის, რათა ჩვენს მოქალაქეებს მივცეთ საშუალება, რომ ჯანმრთელობა რისკის ქვეშ დააყენონ და შემდეგ, ჩამოსულებმა კიდევ რისკი შეუქმნან ჩვენს მოქალაქეებს, თორემ, ხელისუფლებისთვის შეზღუდვების დაწესება გაცილებით უფრო რთულია, ვიდრე კარების გახსნა, მაგრამ ის სირთულეზე, რაც შეიძლება ამან მოიტანოს, აბსოლუტურად არ არის პასუხისმგებლობა ამ ე.წ.  ოპოზიციის. უპასუხისმგებლო ხალხია და არანაირ პასუხისმგებლობის აღებას არც აპირებენ საკუთარ თავზე. ვითარება რომ დამძიმდეს, ამის შემდეგ კაციშვილს ვერ იპოვით, რომ პასუხი გაგცეთ იმაზე, თუ რას ლაპარაკობდნენ რამდენიმე დღის წინ", - განაცხადა გია ვოლსკიმ.

შეგახსენებთ, რომ „ევროპული საქართველოს“ წევრმა გიორგი კანდელაკმა მიმართა მთავრობას და თურქეთთან რეგულაციების დაწესებით სახმელეთო საზღვრის გახსნა მოითხოვა.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

დააკავეს პირი, რომელმაც მაღაზიიდან კომპიუტერულ ტექნიკა მოიპარა

ტრამპი აცხადებს, რომ მისი შვილი დააბრუნებს იმ თანხას, რომელიც რუსმა ოლიგარქმა ქორწილში დახარჯა

სახელმწიფო დეპარტამენტმა უკრაინისთვის 2.68 მილიარდი დოლარის ღირებულების საჰაერო თავდაცვის სისტემების მიყიდვა დაამტკიცა

ტრამპმა ომი გამოუცხადა სამ მედიასაშუალებას: CNN-ს, MS NOW-ს და Politico-ს, მათ თეთრ სახლში შესვლა აეკრძალათ