საქართველოს პრემიერ-მინისტრმა ირაკლი ღარიბაშვილმა მარტვილში „ქართული ოცნების“ მაჟორიტარობის კანდიდატად სოსო დანელიას კანდიდატურა წარადგინა.

როგორც პრემიერმა კოალიციის ოფისში გამართულ ბრიფინგზე განაცხადა, მას სჯერა, რომ სოსო დანელია მარტვილში დამაჯერებლად გაიმარჯვებს.

„მარტვილის  მაჟორიტარ კანდიდატად წარმოგიდენთ ბატონ სოსო დანელიას. ბატონი სოსო წარმოშობით  მარტვილიდან გახლავთ.  ვფიქრობ, რომ მარტვილელები მის ბიოგრაფიას  კარგად იცნობენ. მას აქვს დიპლომატიურ სფეროში მუშაობის  დიდი გამოცდილება.  ის სხვადასხვა  თანამდებობეზე წლების განმავლობაში მუშაობდა იტალიის რესპუბლიკაში. გარდა ამისა, იგი არის სამეცნიერო ნაშრომების ავტორი და მინიჭებული აქვს სამეცნიერო ტიტულები საქართველოსა და ასევე იტალიაში. მჯერა,  რომ ბატონი სოსო მოიპოვებს დამაჯერებელ გამარჯვებას  თავის მშობლიურ მარტვილში. ის მაქსიმალურად გამოიყენებს თავის ცოდნას და გამოცდილებას. ბატონი სოსო ჩვენი ხალხის ნამდვილი რჩეული  იქნება ქვეყნის პარლამენტში“,-განაცხადა ირაკლი ღარიბაშვილმა.

ამასთან, სოსო დანელიამ  პრემიერ-მინისტრს და კოალიცია „ქართულ ოცნებას“ მადლობა გადაუხადა მაჟორიტარობის კანდიდატად წარდგენისთვის და აღნიშნა, რომ თავის გამოცდილებას მარტვილის რაიონის საუკეთესოდ წარმოჩენისთვის გამოიყენებს.

„უპირველეს ყოვლისა დიდი მადლობა ბატონო პრემიერო ნდობისთვის.  მადლობა „ქართულ ოცნებას“, რომ გადაწყვიტა ჩემი კანდიდატურა წარედგინა მარტვილის რაიონში, სადაც მე დავიბადე და გავიზარდე.  დარწმუნებული ვარ, რომ გავიმარჯვებთ. დარწმუნებული ვარ,  „ქართული ოცნება“  ისე როგორც საჭიროა   დადებს მაღალ პროცენტს ამ არჩევნებში.  ჩემს გამოცდილებას, რომელიც დამიგროვდა წლების განმავლობაში ჩემს საყვარელ რაიონს და ხალხს მოვახმარ. დარწმუნებული იყავით ამაში ბატონო პრემიერო. მთელ ჩემს ენერგიას გამოვიყენებ იმისთვის, რომ ჩემი რაიონი საუკეთესოდ წარსდგეს“,-განაცხადა სოსო დანელიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა ხელი მოაწერა კანონს რუსეთის წინააღმდეგ „ჯოჯოხეთური სანქციების“ შესახებ

საფრანგეთსა და შეერთებულ შტატებში დიზელის დეფიციტის გამო საწვავის კრიზისი დაიწყო

მაკრონმა საფრანგეთის ინფრასტრუქტურის დრონებით თავდასხმებისთვის მზადყოფნის ბრძანება გასცა

რუსეთის ერთ-ერთი ყველაზე ტიტულოვანი რეჟისორი ზვიაგინცევი „უცხოელი აგენტად“ გამოაცხადა