საქართველოს პრემიერ–მინისტრი ირაკლი ღარიბაშვილი დარწმუნებულია, რომ მარტვილსა და საგარეჯოში შუალედური არჩევნები წარმატებით ჩატარდება.

პრემიერმა საგარეჯოში „ქართული ოცნების“ მაჟორიტარობის კანდიდატად თამარ ხიდაშელი წარადგინა და განაცხადა, რომ ეს არჩევანი მოწმობს, თუ როგორ მნიშვნელობას ანიჭებს მოქმედი ხელისუფლება პოლიტიკაში პროგრესულად მოაზროვნე ქალების ჩაბმას.

„თამარ ხიდაშელი გახლავთ იურისტი, მას განათლება მიღებული აქვს დიდ ბრიტანეთში, ასევე აქვს არასამთავრობო ორგანიზაციებში დიდი გამოცდილება, ამჟამად მუშაობს ევროკავშირის პროექტში და არის ევროკავშირთან ასოცირების მიმართულების არაერთი კვლევის და მონიტორინგის ანგარიშის ავტორი. მას აქვს დიდი შრომა გაწეული იმისთვის, რომ ჩვენს საზოგადოებაში და განსაკუთრებით საჯარო დაწესებულებაში სათანადო მნიშვნელობა მიენიჭებინა საჯარო ინფორმაციის ხელმისაწვდომობას.  თამარ ხიდაშელს  ქონდა პრინციპუილი პოზიცია, მაშინ როცა ყალბდებოდა არჩევნები  და თავისუფალი აზრის გამოხატვისთვის დევნიდნენ ჩვენს მოქალაქეებს. მე მინდა წარმატება ვუსურვო და დარწმუნებული ვარ გამარჯვებას მიაღწევს“, – აღნიშნა ღარიბაშვილმა.

თამარ ხიდაშელმა კოალიცია „ქართულ ოცნებას“ და „რესპუბლიკურ პარტიას“ მაჟრიტარობის კანდიდატად წარდგენისთვის მადლობა გადაუხადა და აღნიშნა, რომ მისი მთავარი საზრუნავი იქნება, თინა ხიდაშელის მიერ მიცემული დაპირებების ბოლომდე მიყვანა.

„კოალიციასთან და რესპუბლიკურ პარტიასთან მე მაერთიანებს ღირებულებები და სწორედ ამიტომ გადავწყვიტე და დავთანმხდი ამ შემოთავაზებას.  ამ გადაწყვეტილების მიღება მარტივი არ იყო , მაგრამ ჩავთვალე რომ აუცილებელია გამოვსულიყავი ამ კომფორტის ზონიდან და უშუალოდ ხელისუფლების საშუალებით მეცადა, გამეკეთებინა ის რასაც წლების განმავლობაში ვაკეთებდი. ეს არის ადამიანის უფლებების დაცვა. რაც შეეხება საგარეჯოში საარჩევნო პროგრამას, მცირე დროა დარჩენილი და მთავარი საზრუნავი იქნება თინათინ ხიდაშელის მიერ მიცემული დაპირებების ბოლომდე მიყვანა“,– განაცხადა თამარ ხიდაშელმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა ხელი მოაწერა კანონს რუსეთის წინააღმდეგ „ჯოჯოხეთური სანქციების“ შესახებ

საფრანგეთსა და შეერთებულ შტატებში დიზელის დეფიციტის გამო საწვავის კრიზისი დაიწყო

მაკრონმა საფრანგეთის ინფრასტრუქტურის დრონებით თავდასხმებისთვის მზადყოფნის ბრძანება გასცა

რუსეთის ერთ-ერთი ყველაზე ტიტულოვანი რეჟისორი ზვიაგინცევი „უცხოელი აგენტად“ გამოაცხადა