ბოკერია საკონსტიტუციო ცვლილებების განხორციელებაზე - ივანიშვილს აქვს კიდევ ერთი შანსი, რომ პოლიტიკურად თავი არ დაიღუპოს

2020-06-20 14:19:05, 1352 ნახვა

პოლიტიკა

„ევროპული საქართველოს“ ერთ-ერთი წევრის, გიგა ბოკერიას განცხადებით, ის, რომ მისი პარტია საკონსტიტუციო ცვლილებებს პირველი მოსმენით მხარს დაუჭერს, ივანიშვილს აძლევს საშუალებას, რომ პოლიტიკურად თავი არ დაიღუპოს.

„ივანიშვილს აქვს კიდევ ერთი შანსი, მინიმუმ რამდენიმე დღის დრო, რომ არც თავისი თავი დაღუპოს პოლიტიკურად და მეორე მხრივ, ქვეყანას არ მიაყენოს ზიანი. პირველი მოსმენის კენჭირსყრაში ჩვენი მონაწილეობა მას აძლევს ამის შანსს. შემდგომ კენჭირსყრაში ჩვენ მონაწილეობას არ მივიღებთ, თუ არ გადაიდგმება ის ნაბიჯები, რომლებიც შეთანხმების შესრულებისთვისაა აუცილებელი“, - განაცხადა ბოკერიამ.

შეგახსენებთ, რომ „ევროპული საქართველოს“ საკონსტიტუციო ცვლილებების პროექტს მხოლოდ პირველი მოსმენით დაუჭერს მხარს.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან