"ვემსახუროთ საქართველოს ერთგულად და უკომპრომისოდ და ჩვენს მიზანს აუცილებლად მივაღწევთ",-ამ სიტყვებით დაასრულა გამოსვლა საქართველოს თავდაცვის მინისტრმა თინა ხიდაშელმა სასწავლო ცენტრ „კრწანისის“ ტერიტორიაზე     ნატო-საქართველოს ერთობლივი წვრთნისა და შეფასების ცენტრის გახსნის ცერემონიალზე.
თინა ხიდაშელმა ყურადღება  საქართველოს ევროპული არჩევანის ურყევობასა და უსაფრთხოების კუთხით, ჩრდილოატლანტიკური ალიანსის მნიშვნელობაზე გაამახვილა.
მინისტრის თქმით, "ქართული ოცნების" პოლიტიკური გუნდის მიზანი ევროპულ ოჯახში გაწევრიანებაა, რისთვისაც ძალღონეს არ დაიშურებენ.
 "ჩვენ ოპტიმისტურად ვუყურებთ მომავალს. ჩვენ ვშრომობთ და ვიბრძვით ევროპული საქართველოსთვის, რომელიც აგრესიისგან და ოკუპაციისგან თავისუფალი იქნება და იპოვის თავის ადგილს დემოკრატიული სახელმწიფოების ოჯახში.ვემსახუროთ საქართველოს ერთგულად და უკომპრომისოდ და ჩვენს მიზანს აუცილებლად მივაღწევთ",-აღნიშნა თინა ხიდაშელმა.
ცენტრ „კრწანისის“ ტერიტორიაზე     ნატო-საქართველოს ერთობლივი წვრთნისა და შეფასების ცენტრის გახსნის ცერემონიალს  ნატო-ს გენერალური მდივანი იენს სტოლტენბერგი, საქართველოს პრეზიდენტი, პრემიერ-მინისტრი, თავდაცვის მინისტრი და სხვა მაღალი რანგის პირები ესწრებიან. ცენტრმა ქართველი,  ნატოს წევრი და პარტნიორი ქვეყნების სამხედროების მომზადება უნდა უზრუნველყოს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პაპუაშვილი: პრეზიდენტ ზელენსკის მოუწია ირაკლი კობახიძესთან მისვლა და საუბარი

რასა იუკნევიჩიენე: ახლა საქართველო ყველაზე ცუდ კანდიდატებს შორისაა

თიბისის 5 ჯილდო The Digital Banker-ისგან საუკეთესო ციფრული გამოცდილება აღმოსავლეთ ევროპაში

ჯანდაცვა: იზრდება სოცდაუცველი და მრავალშვილიანი ოჯახებისთვის დენის სუბსიდირების თანხა