|
2015-08-25 19:27:43, 869 ნახვა
ეკონომიკა
პროგრამის „აწარმოე საქართველოში“ ფარგლებში კიდევ ორი ახალი საწარმო შეიქმნება
სახელმწიფო პროგრამის „აწარმოე საქართველოში“ ინფრასტრუქტურული მხარდაჭერის კომპონენტის ფარგლებში დღევანდელ მთავრობის სხდომაზე კიდევ ორი ახალი საწარმოს პროექტი დამტკიცდა. ეკონომიკის სამინისტროს ინფორმაციით, ახალი კომპანიების შესახებ ინფორმაცია მთავრობის წევრებს საქართველოს ვიცე-პრემიერმა, ეკონომიკისა და მდგრადი განვითარების მინისტრმა გიორგი კვირიკაშვილმა წარუდგინა. როგორც ვიცე-პრემიერმა აღნიშნა, 400 ადამიანი დასაქმდება კომპანია „ჯეო ემპექსის“ საწარმოში, რომელიც საფეიქრო, ტექსტილის პროდუქციას გამოუშვებს. საწარმოს შესაქმნელად „ჯეო ემპექსს“ ეკონომიკისა და მდგრადი განვითარების სამინისტროს სსიპ „სახელმწიფო ქონების ეროვნულმა სააგენტომ“ სიმბოლურ ფასად, ერთ ლარად გადასცა თბილისში, ნინუას ქუჩა N3-ში მდებარე 5312.00 კვ.მ არასასოფლო-სამეურნეო დანიშნულების მიწის ნაკვეთი და მასზე არსებული შენობა-ნაგებობები. გადაცემული ქონების ღირებულება 812 086 ლარს შეადგენს. კომპანია საწარმოს შესაქმნელად 4 872 516 ლარის ინვესტიციის განხორციელებასა და პროდუქციის წლიური მოცულობის (პალტოები, ლაბადები და ანალოგიური ნაწარმი) 120 000 ერთეულამდეგაზრდას გეგმავს. ასევე 100-მდე ადამიანი დასაქმდება არაძვირფასი ლითონების და მათი ნაწარმის საწარმოში, რომელიც სახელმწიფო პროგრამის ხელშეწყობით ჭიათურაში ამოქმედდება. ამისთვის შპს „ბეიექსს“ ასევე სიმბოლურ ფასად, ერთ ლარად გადაეცა ქალაქ ჭიათურაში, საჩხერის გზატკეცილზე მდებარე 13573.00 კვ.მ არასასოფლო-სამეურნეო დანიშნულების მიწის ნაკვეთი და მასზე არსებული შენობა-ნაგებობები, რომელთა საერთო ღირებულება 149 300 ლარს შეადგენს. კომპანია ვალდებულია საწარმოს შესაქმნელად არანაკლებ 597 200 ლარის ინვესტიცია განახორციელოს.
ზელენსკიმ უკრაინას, აშშ-სა და ევროპას შორის ლიდერების დონეზე მიმდინარე „რთულ“ დიალოგზე ისაუბრა
მაკა ბოჭორიშვილი: ჩვენ ვაგრძელებთ მუშაობას იმისათვის, რომ ეუთო-ს მომავალი წლის თავმჯდომარეობაზე კონსენსუსი იყოს მიღწეული
ხაბეიშვილი მოსამართლეებზე - ეს აბსოლუტური სკუნსები, როგორ ბედავენ საქართველოს სახელით საუბარს?! ეს თვალებყლეპია ხალხი ანწუხელიძეს, საქართველოს რა უფლებით ასამართლებს?!
ბოჭორიშვილი კატარის საგარეო საქმეთა სახელმწიფო მინისტრს, სულთან ბინ საად ალ-მურაიხის შეხვდა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



