კანადის პრემიერ-მინისტრმა, ჯასტინ ტრუდომ ჟურნალისტის კითხვას, თუ როგორ შეაფასებდა აშშ-ში აქციის მონაწილეების წინაღმდეგ განხორციელებულ ქმედებას, დუმილით უპასუხა.

21 წამის შემდეგ კი მან განაცხადა, რომ დროა კანადის მოსახლეობამ აღიაროს, რომ მსგავსი გამოწვევის წინაშე დგანან. გამოწვევის, როდესაც კანადელი ფერადკანიანი მოქალაქეების მიმართ დისკრიმინაციული ქმედებები ხორციელდება.

მანვე დაამატა, რომ კანადის სისტემა კანის ფერის გამო, კანადის მოქალაქეებსაც ებრძვის.

„ჩვენ ყველა შეძრწუნებულები ვუყურებთ იმას, რაც ამერიკის შეერთებულ შტატებში ხდება. დროა ხალხი ერთად დავდგეთ, მაგრამ ასევე დროა მოვისმინოთ. დროა ვისწავლოთ რა არის უსამართლობა, რომელიც პროგრესის მიუხედავად წლების, ათწლეულების განმავლობაში მაინც გრძელდება.

მაგრამ, ასევე დროა კანადის მოქალაქეებმა აღიარონ, რომ ჩვენს გამოწვევების წინაშე ვართ. გამოწვევის, როცა კანადელი ფერადკანიანები დისკრიმინაციის მსხვერპლნი ხდებიან. კანადაში არსებობს სისტემური დისკრიმინაცია, რაც ნიშნავს იმას, რომ ჩვენი სისტემა კანის ფერის გამო ებრძვის კანადის მოქალაქეებს“, - განაცხადა ჯასტინ ტრუდომ.

შეგახსენებ, რომ აშშ-ს 30-ზე მეტ ქალაქში, ასევე ბრიტანეთში, გერმანიაში, ნიდერლანდებსა და საფრანგეთში ჯორჯ ფლოიდის, 46 წლის ფერადკანიანი მამაკაცის გარდაცვალების გამო, აქციები მიმდინარეობს. პრეზიდენტმა დონალდ ტრამპმა მომიტინგეების წინააღმდეგ ეროვნული გვარდია გამოიყვანა. დაკავებულია ათასობით პროტესტანტი, ხოლო აქციების დაშლა ცრემლსადენი გაზისა და რეზინის ტყვიების საშუალებით მიმდინარეობს.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

ალიევმა გაათავისუფლა საფრანგეთის ორი მოქალაქე რომლის გამოც ორი რუსი ოლიგარქი სანქციების სიიდან ამოიღეს

80 000-მდე აბონენტს, მათ შორის თბილისის რამდენიმე უბანს, მცხეთას, ნატახტარს, წიწამურსა და წეროვნის დევნილთა დასახლებას, წყალმომარაგება 36 საათით შეეზღუდება

გორდულაძე – ევროკავშირში უნდა აწყობდეთ, რომ ჩიხში შესული ურთიერთობებიდან გამოსავალი თავადვე მოძებნონ

წითლიძე- აფხაზეთში ჯერ კიდევ არის რუსული ნარატივი, რომ აფხაზებსა და ქართველებს შორის უნდა იყოს მტრობა