2020-05-26 14:34:34, 1221 ნახვა
რეგიონი
ავტოსაგზაო შემთხვევა გომბორის გზაზე - დაშავებულია მძღოლი და სამი მგზავრი
ვაზიანი-გომბორი-თელავის საავტომობილო გზაზე, სოფელ პალდოსთან ავტოსაგზაო შემთხვევა მოხდა.
წინასწარი ინფორმაციით, მსუბუქი ავტომობილის მძღოლმა საჭე ვერ დაიმორჩილა, რის გამოც მანქანა სავალი ნაწილიდან გადავიდა და ხეს დაეჯახა.
თვითმხილველების ინფორმაციით, ავარიის შედეგად მძღოლი და სამი მგზავრი მძიმედ დაშავდნენ და ისინი სასწრაფო-სამედიცინო დახმარების ჯგუფმა საავადმყოფოში გადაიყვანა.
შემთხვევის ადგილზე მობილიზებულია საპატრულო პოლიცია.
ავტორი: ექსპრესნიუსი,
epn.ge (@expressnews.ge)
